Ferdinando I, Re di Aragona, a domanda fattane da Elia, Arcivescovo di Arborea, ambasciatore di Leonardo Cubello, marchese di Oristano e conte di Goceano, in Sardegna, concede a quest’ultimo, e conferma a di lui favore tutti i privilegi, donazioni, franchigie, immunità e concessioni, che per lo innanzi gli erano state fatte, ordinandone la perpetua ed inviolabile osservanza.
(1415. – 20 Agosto)
Dai Regii Archivi di Barcellona, Registr. Sardiniae, II, ab ann. MCCCCXV ad ann. MCCCCXVI, fol. 3.
Pateat universis quod Nos Ferdinandus Dei gratia Rex Aragonum, Siciliae, Valentiae, Majoricarum, Sardiniae et Corsicae, Comes Barchinonae, Dux Athaenarum et Neopatriae, ac etiam Comes Rossilionis, et Caeritaniae. Ad humilem supplicationem per Reverendum in Christo Patrem Eliam, Archyepiscopum Arborensis Nuntium, et Ambaxiatorem, per vos Egregium Leonardum, Marchionem Aristanni, et Comitem Gossiani, ad Nos missum propterea nobis factam, omnia et singula Privilegia, donationes, franquitates, concessiones, immunitates, ac bonos usus, facta, concessa, et indulta, ac factas, concessas, et indultas, vobis dicto Egregio Marchioni, huius Cartae nostrae serie, laudamus, approbamus, ratifficamus et confirmamus, ac nostrae comfirmationis praesidio roboramus, si et prout iustius eis, melius que usus fuistis. Mandantes per eandem Inclito, et Magnifico Alphonso, Principi Gerundae, primogenito nostro charissimo, ac in omnibus Regnis, et terris nostris Generali Gubernatori, et post dies nostros longaevos, Deo propitio, legitimo successori, eiusque vicesgerentibus, alijsque universis, et singulis Officialibus nostris, et Subditis dicti Regni Sardiniae, et etiam caeteris, tam citra, quam ultra mare, infra nostri dominium constitutis, praesentibus, et futuris: Quatenus confirmationem nostram hujusmodi teneant firmiter, et observent, et faciant ab aliis inviolabiliter observari, et non contraveniant, nec aliquem contravenire permittant aliqua ratione. In cuius rei testimonium praesentem vobis fieri iussimus, nostro sigillo pendenti munita. Datum Valentiae, vicessima die Augusti, anno a Nativitate Domini M.CCCC.XV. Regnique nostri quarto.
Signum Ferdinandi, Dei gratia Regis Aragonum, Siciliae, Valentiae, Majoricarum, Sardiniae et Corsicae, Comitis Barchinae, Ducis Athaenarum et Neopatriae, ac etiam Comitis Rossilionis et Ceritaniae. Rex Ferdinandus.
Testes sunt, Petrus Archiepiscopus Terrachonae, Alfonsus Dux Gandiae, Enricus de Villena, Ioannes Comes Cardonae, et Petrus Maça de Liçana, Consiliarij Domini Regis.
Signum mei Pauli Nicolai, dicti Domini Regis Secretarii, qui praedicta de ipsius mandato scribi feci, et clausi. Corrigitur autem in lineis iij facta et alibi, in eadem iiij et indultas.
Dominus Rex mandavit mihi, Paulo Nicholai, et visa fuit in Concilio, ubi lecta, et informatus idem Dominus Rex, mandavit expediri.