Il Re di Aragona Don Giovanni II ordina al vicerè di Sardegna, ai governatori del Capo di Cagliari e di Gallura, e del Capo di Logudoro, al procuratore reale, e generalmente a tutte le Autorità costituite nell’isola, di riconoscere Don Leonardo (D’Alagon) di Arborea per marchese di Oristano, e conte di Goceano, con gli stessi dritti, onori, privilegi, ed esenzioni, di cui aveano goduto i di lui predecessori.
(1473. – 12 luglio).
Dai Regii Archivi di Barcellona, Registr. Sardiniae VII, ab ann. MCCCCLXVII ad MCCCCLXXVIII, fol. 162.
Joannes, Dei Gratia, Rex Aragonum, Navarrae, Siciliae, Valentiae, Majoricarum, Sardiniae, et Corsicae, Comes Barchinonae, Dux Athenarum, et Neopatriae, ac etiam Comes Rossilionis, et Ceritaniae. Spectabili, Nobili, Magnificis, dilectis Consiliariis, et fidelibus nostris, in eodem Sardiniae Regno, Viceregi, Gubernatoribus in Capitibus Callari, et Gallurae, ac etiam Lugudorii, Regio quoque Procuratori, caeterisque demum universis, et singulis Officialibus, et Subditis nostris, in dicto Regno constitutis, ipsorumque Officialium Locatenentibus, praesentibus, pariterquae futuris, salutem, et dilectionem: Quia Nos nostris cum aliis, oportunis provisionibus, causis, respectibus, atque considerationibus, in eisdem expressis, ereximus, et extulimus Illustrem, Magnificum, et dilectum Consiliarium nostrum, Leonardum Darborea, in Marchionem, et Comitem Marchionatus Oristani, et Comitatus Gociani, Regni Sardiniae praedicti, cum honoribus, praeheminentiis, praerogativis, quibus Praedecessores sui in eisdem Marchionatu, et Comitatu gavisi fuerint; Ideo vobis, et cuilibet vestrum, dicimus, praecipimus, et jubemus, de nostri certa scientia, et expresse, ad incursum nostrae indignationis, et irae poenamque trium mille florennorum auri, a bonis cujuslibet vestrum secus agentis irremissibiliter exhigendam, nostrisque inferendam aerariis, quatenus habentes, tenentes, et reputantes eundem Illustrem Leonardum Darborea, et successores suos, pro Marchione, et Comite praedictorum Marchionatus, et Comitatus, per loca solita, districtuum, et jurisdictionum vestrarum, publice praeconicari faciatis, ipsum Leonardum Darborea pro Marchione, et Comite praedicto, Cauti de contrario, quanto gratiam nostram caram habetis, et praeappositam veremini non subire poenam. Datum in Villa nostra de Argiles, Comitatus Rossilionis seu satis prope muros Villae ipsius, die duodecimo Julii, anno a Nativitate Domini M.CCCC.LXXIII.
Rex Joannes.
Dominus Rex mandavit mihi Joanni de Coloma, et vidit eam Generalis Thesaurarius, et pro Conservatore.