Lettere patenti del re di Castiglia e di Aragona Don Ferdinando II il Cattolico, con le quali Don Giovanni D’Alagon, fratello di Don Leonardo marchese di Oristano e conte di Goceano, è proclamato innocente dei reati, che gli si erano apposti, e pe’ quali era stato condannato alla pena capitale, e si ordina perciò che siano cancellati e annullati tutti i processi formati contro di lui, insieme con le sentenze, decreti, giuramenti, cauzioni ed obbligazioni che aveano susseguito a tale condanna.
(1497. – 10 giugno).
Dai Regii Archivi di Barcellona, Registr. Diversor. Sigill. Secr. V. Regis Ferdinandi II. ab. an. MCCCCXCV. ad an. MCCCCXCVII. fol. 198.
Nos Ferdinandus, Dei Gratia, Rex Castellae, Aragonun, Legionis, Siciliae, Granatae, Toleti, Valentiae, Galleciae, Majoricarum, Hispalis, Sardiniae, Cordubae, Corsicae, Murtiae, Giennis, Algarhij, Algezirae, Gibraltaris, ac Insularum Canariae, Comes Barchinonae, Dominus Vizcayae, et Molinae, Dux Athaenarum, et Neopatriae, Comes Rossilionis, et Caeritaniae, Marchio Oristanni, et Gociani. Cum contra vos Nobilem, et dilectum nostrum Joannem de Alagon obiicerentur aliqua crimina fidelitatem, et honorem vestrum coinquinantia, et gravi punitione digna, à quibus vos immunem omnino, et insontem praetendebatis, et propterea essetis a nobis detentus, ad vestri instantiam, et supplicationem, commissimus Francisco Malet, quondam, Regenti Cancellariam nostram, et Gaspari de Arinyo, quondam, Secretario nostro, ut de objectis criminibus praedictis se informarent, et veritatem inquirerent, et nobis relationem facerent, qui Mandatis nostris parendo, de praedictis inquisiverunt, et informationem receperunt, nobisque relationem fecerunt, per processum ipsum, salis instructum, constare, Vos, non solum ulla labe, fidelitatem vestram maculasse, et esse a criminibus praedictis innoxium, sed, et in aliquibus Majestati nostrae servivisse; et cum ita severitas habeat, quae sumergi non debet; Idcirco praesentium thenore, et de nostri certa scientia, et consulto, vos praefatum Joannem de Alagon, ex meritis dicti processus, ab omni noxa, et crimine, fidelitatem, et honorem vestrum deturpante insontem, bonumque, et fidelem Vassallum nostrum semper fuisse, et esse declaramus, et pro tali teneri, et reputari debere volumus, et censemus, cum talis revera repertus fueritis, ut praedicitur. Et propterea absolvimus, et liberamus Vos ab omni arresto, et detentione, sub quibus, ex causis praedictis, jussu nostro, positus fueritis, et in praesentiarum detineamini. Quo circa universis, et singulis Officialibus, et Subditis nostris, cujusvis praeheminentiae, auctoritatis, gradus, et conditionis sint, praesentibus, et futuris, ad quos spectat, et cuilibet eorum, firmiter mandamus, quatenus Vos praefactum Joannem de Alagon habeant, teneant, et reputent pro bono, et fidele Vassallo nostro, et nostram hujusmodi declarationem teneant, et observent, et illi, ad quos spectet, cancellent, et annullent arrestum, sacramento, et homagio vallatum, obligationem, et detentionem, in quibus positus sitis, actaque, et procedimenta, ratione praedicta, contra Vos, et bona vestra quomodocumque facta, sicuti habemus, tenemus, cancellamus, et annullamus nos cum hac eadem, ex meritis dicti processus, et justitiae debito; pro hujusmodi vero liberatione, et remissione nihil Curiae nostrae servivistis. In cujus rei testimonium praesentem fieri jussimus, nostro secreto Sigillo a tergo munitam. Datum in Villa Medinae del Campo, die X mensis Junii, anno a Nativitate Domini M.CCCCLXXXXVII.
Yo el Rey.
Dominus Rex mandavit mihi Ludovico Gonzalez, visa per Generalem Thaesaurarium, et per A. Boneti, pro Generali Conservatore.