XXII.

L’Infante D. Alfonso fa sapere a Ugone di Arborea di aver ricevuto avviso, che nei mari di Sacrabus si vedevano quattrocento galee, le quali si dirigevano verso Capo Carbonara, e si sospettava essere legni nemici (cioè pisani); e perciò lo avvertiva di tenersi pronto co’ suoi pedoni, e cavalli, per correre dove ne fosse il bisogno, e di collocare speculatori nei luoghi opportuni per dar gli avvisi con segni convenuti; e intanto lo previene di aver fatto armare a difesa tutte le galee, ed i legni aragonesi, ordinando al suo ammiraglio di tenersi pronto per ogni evento nelle acque di Cagliari.

(1323, 12 ottobre).

Dai Reg. Archivi di Barcellona, Regist. Sardiniae ab ann. MCCCXXIII. ad MCCCXXIV. fol. XXVII.

Infans Alphonsus, Illustrissimi Domini Regis Aragonum Primogenitus, eiusque Generalis Procurator, ac Comes Urgelli nobili, et egregio viro Ugoni vicecomiti de Basso, ac iudici Arboreae salutem, et dilectionis affectum. Significamus vobis Petrum de Libiano, dilectum Vicarium nostrum in partibus Callaris, per suam nobis litteram intimasse, quod in mari de Sarabos visae sunt quadraginta galeae, versus Caput de Carbonayre navigantes; et quia praesumuntur nostrorum esse rebellium, in continenti remissimus apud Callarum nobilem Amirantum nostrum, qui ad nos tunc venerat, ut galeas nostras, ac vasa alia sic muniri faciat, et parari, quod si dictae inimicorum galeae ad partes illas veniant, nostras inveniant paratas ad bellum, habentes pro firmo dextera nobis asistente divina, quod inimici nostri ad exterminium deducentur: fecimus etiam speculatores, sive custodias in Insula Sulci, et per loca alia poni, ut si eas viderint signa faciant eis iniuncta, et quam citius nos versus partes quibus fuerint commitivam mittamus resistentem eisdem; ideoque vobis haec significare curamus, ut vos, quod iis tam equites, quam pedites, promovere, et excitare curetis, et taliter facere praeparari, quod eos in continenti cum ipsos nuntios habuerimus possimus paratos habere, nec non a simili faciatis, teneri speculatores, sive talayas per loca oportuna, facientes signa per vos ordinanda, quo nobis significetis,  ut si eas viderint, nos proinde possimus effici certiores: si tamen vos sciveritis in qua parte ipsae galeae apulerint, in continenti ad nos cum vestra equitum, et peditum comitiva vestros maturetis accessus. Insuper quia avidi sumus de statu personae vestrae, quem obtamus incolumen prosperos audire rumores; rogamus vos quatenus nobis significare curetis prosperam consistentiam status vestri. Datum in obsidione Villae Ecclesiae, quarto idus octobris anno Domini M.CCC.XXIII.

C.^a Guillermus Coperii mandato Domini Regis.