Pietro IV. re di Aragona scrive a Mariano IV. regolo di Arborea, affinché in virtù dei poteri che gli avea conferito nel 1347 e 1349, e che di nuovo gli conferiva, decidesse definitivamente la questione insorta tra Bertrando de Valle di Barcellona da una parte, e Neri Favullia, e Gueto di Damiano dall’altra, nella qualità questi ultimi di Vicari e Procuratori del Comune di Pisa nella Curatoria di Gippi in Sardegna, per alcune terre esistenti in detta Curatoria, delle quali si disputavano la proprietà, e per la quali il Governatore dell’isola avea sentenziato contro il detto Comune, che se n’era richiamato a lui per mezzo di appello (1).

(1353, 14 febbraio).

Dall’Imp. Reg. Archiv. delle Riformagioni di Firenze, Atti pubblici, Class. Distinz. e Tom. sudd. Num. XXXI.

Petrus Dei gratia rex Aragone, Valentie Maioricarum Sardinee, et Corsice comesque Barchinone Rossilionis et Ceritanee egregio viro Mariano judici Arboree salutem et dilectionis effectum. Dudum vobis commissionem fecisse meminimus infrascriptum. Petrus Dei gratia rex Aragone etc. Egregio viro Mariano iudici Arboree salutem et intime dilectionis effectum. Insuper vobis subscriptam commissionem fecisse recolimus in hiis verbis. Petrus Dei gratia rex Aragone etc. Egregio viro Mariano iudici Arboree salutem etc. Causam appellactionis ad nos emisse per partem Comunis pisarum a quadam sententia contra ipsum lata per Gubernatorem olim Sardinee et Corsice regni in causa, que sub eius vertebatur examine, inter Bertrandum de Valle mercatorem civem Barchinone ex parte una, et Nerium de Favullia tunc vicarium sive rectorem villarum quas dictum Comune habet in dicta ynsula, et Guetum Damiani successorem eiusdem Nerii in suo officio, sive ipsius Comunis procuratorem ex altera, pretextu cuiusdam saltus terrarum villarum antefacti Comunis de Curatoria Guippi, que dictus Bertrandus asserebat spectare ad eum, ipso Nerio pro eodem Comuni contrarium asserente, vobis providimus noviter commictendam mandantes vobis quatenus vocatis quorum interest exibeatis predicto Comuni seu eius procuratori sine lite super appellactione huiusmodi et aliis premissis expeditum iustitie complementum malitiis et diffugiis postpositis quibuscumque lapsu fatalis temporis in aliquo non obstante. Nos enim super hiis commictimus vices nostras plenarie per presentes. Datum Barchinone quarto idus decembris anno Domini millesimo trecentesimo quadragesimo septimo. Nunc autem ante nostre magestatis presentiam constituti nobilis et dilectus consiliarius noster Iohannes de Hericiis decretorum doctor et Francischus Merolla ambaxiatores Comunis pisarum ad nos noviter destinati pro parte dicti Comunis humiliter supplicaverunt; quod cum pretextu dicte commissionis vos nondum terminaveritis dictam causam, eam audiendi et fine debito terminandi vobis novam commictionem facere deberemus; quare vobis dicimus et mandamus quatenus dictam causam audiatis et ipsam fine debito decidatis iuxta preinserte lictere seriem pleniorem, lapsu fatalium in aliquo non obstante, quoniam in predictis vobis cum presenti noviter commictimus vices nostras. Datum Valentie kalendas decembris anno Domini millesimo trecentesimo quadragesimo nono. Verum cum nunc per nobiles et dilectum Iohannem de Hericiis legum doctorem et consiliarium nostrum et Iohannem Buzaccharini militem nuntios ad nostram presentiam per honorabile Comune pisarum noviter destinatos intelleximus quod vos vigore commissionis preinserte nondum tamen huiusmodi causam terminastis. Ideo ad ipsorum nuntiorum supplicactionem propterea nobis factam vobis iterato dicimus et commictimus, et mandamus quatenus dictam causam audiatis ipsamque fine debito decidatis juxta lictere supradicte seriem pleniorem non obstante quod tempus fatale lapsum fuerit ut prefertur. Nos enim vobis in premissis per presentes commictimus plenarie locum nostrum. Datum Valentie decimaquarta die februarii anno a nactivitate Domini millesimo trecentesimo quinquagesimo tertio. = Ex auctoritate regia.

NOTE

(1) Commissione somigliante per altro affare litigioso del Comune di Pisa il re di Aragona avea dato pochi anni avanti a Pietro III. regolo di Arborea (Ved. sopr. Cart. Num. LII. Pag. 714).