Il re di Aragona Don Pietro IV comanda al Governatore ed agli altri uffiziali regj in Sardegna, che in esecuzione degli ordini già dati nel 1347, e ripetuti nel 1349, facciano restituire al Comune di Gippi inferiore infeudato ai pisani le somme, gli effetti, ed i beni statigli sequestrati da Maestro Arnaldo Marchal signore della villa di Musti (forse Musei) per pagamento di lire duecento di alfonsini, cui egli avea condannato alcuni uomini di detta villa o comune di Gippi, i quali però constava non avervi domicilio, ed essere vagabondi al tempo della condanna.
(1353, 14 febbraio).
Dall’I. R. Archivio delle Riformagioni di Firenze, classe XI, Atti pubblici, Class. Distinz. Tom. e Num. citat.
Petrus Dei gratia rex Aragone, Valentie, Maioricarum, Sardinee et Corsice comesque Barchinone Rossilionis et Ceritanee dilecto nostro Gubernatori Sardinee presenti et qui pro tempore fuerit vel eius locum tenenti salutem et dilectionem. Meminimus vobis dudum scripsisse per binas nostras licteras in hunc modum. Petrus Dei gratia rex Aragone etc. Dilecto consiliario nostro Gubernatori Sardinee presenti et qui pro tempore fuerit vel eius locum tenenti salutem et dilectionem. Nuper vobis scripsisse seu subscripta mandata direxisse recolimus in hiis verbis. Petrus Dei gratia rex Aragone etc. Dilecto regenti officium gubernactionis Sardinee presenti et qui pro tempore fuerit vel eius locum tenenti salutem etc. Ad nostram recurrens presentiam nobilis et dilectus Iacobus de Hericiis ambaxiator Comunis pisarum querulosa insinuatione mostravit, quod olim Gubernator eiusdem ynsule mandavit Nerio nunc vicario villarum et locorum que dictum Comune habet in ipsa ynsula, ut compelleret quosdam homines ville de Gippi inferioris dicti Comunis, eo tempore vacabundos ad solvendum magistro Arnaldo Maschal eius in villa de Musti (1) quandam condempnationem per ipsum contra eos factam de ducentis libris Alfonsinorum pretextu quorundam boum qui occisi et depredati fuerant in confinibus dicte ville; et quia idem vicarius mandatum ipsum distulit adimplere, cum ad id minime ut asseritur teneretur, prefatus Gubernator sive dictus magister Arnaldus eius auctoritate fecit ut fertur capi et arrestari currus boves et vegetes vini hominum Comunis villarum predictarum Comunis et etiam fecit sequestari tempore Gerci Dagimani tunc rectoris ipsarum villarum redditus dicti Comunis pro quantitate pecunie antedicta, que contra formam iuris ac pationum et conventionum pacis inter progenitores nostros dictumque Comune inite dicuntur penitus redundare. Quapropter ad supplicactionem humilem ambaxiatoris predicti propterea nobis factam, vobis dicimus et mandamus disctricte, quatenus si repereritis antedictos homines fuisse vagabundos tempore supradicto, et inter villas dicti Comunis domicilia non foventes, faciatis reduci premissa ad statum debitum et primerum, taliter ne ipsum Comune ob nostri negligentiam ad nos pro predictis recurrere habeat iterato. Datum Barchinone quarto idus decembris anno Domini millesimo trecentesimo quadragesimo septimo. Nunc autem ante nostre magestatis presentiam constituti nobilis et dilectus consiliarius noster Iohannes de Hericiis decretorum doctor et Francischus Merolla ambaxiatores honorabilis Comunis pisarum ad nos ex subscriptis causis et aliis destinati humili supplicactione mostraverunt, quod licet vobis vel aliquibus ex vobis preinserta mandata nostra fuerint presentata, fueritisque cum instantia requisiti, ut ea exequeremini cum effectu, vos tamen aut aliqui vestrum hoc facere contemptibiliter distulistis pariter et differtis, de quo si ita sit non modicum admirantes, vobis aut locum tenenti pro vobis, sub incursu ire et indignationis nostre precipimus et mandamus, quatenus omnia et singula in preinserta lictera nostra contenta, iuxta sui originalis seriem pleniorem exequamini, et effectualiter impleatis, et contra ea venire in aliquo non temptetis vel per alios permictatis quomodolibet attemptari habendo vos taliter super hiis quod dictum Comune aut districtuales ipsius ex hac causa de vobis iuste conquerendi materiam non assumant, alioquin pro culpa si quam commicteretis in premissis, vos proinde mediante iustitia puniremus. Datum Valentie kalendas decembris anno Domini millesimo trecentesimo quadragesimo nono. Sane cum nunc per nobiles et dilectos Iohannem de Hericiis consiliarium nostrum predictum et Iohannem Buzaccharini militem nuntios sive ambaxiatores per dictum Comune pro hiis et aliis factis et negotiis ad nostram presentiam destinatos noviter, coram nobis expositum fuerit conquerendo quod vos mandata nostra superinserta improvide spernendo quamquam fueritis pluries et instantissime requisiti ut ipsa exequeremini et ad effectum debitum duceretis et in nostri contemptum facere minime curavistis, ex quibus admiractionis causam merito assumpsimus vehementem. Quo circa ad ipsorum nuntiorum supplicactionem propterea nobis factam, vobis iterato dicimus et districte precipiendo mandamus, sub pena nostre gratie et mercedis, quatenus si iram et indignactionem nostram cupitis evitare mandata nostra preinserta per omnia compleatis et effectui perducatis, omnibus dilactionibus et exceptionibus frivolis postpositis et semotis, prout in dictis licteris est vobis traditum in mandatis, nec contra in eisdem expressata venire aut aliquid facere presumatis, vel permictatis a quocumque aliquid premissis contrarium attemptari, cum nobis plurimum displiceret, sic in hiis vos habere curando quod amodo pro parte dicti Comunis vel districtualium suorum non videamus aliquem ractione premissorum contra iustitiam conquerentem nec propterea vobis nos opporteat scribere iterato, alias scire vos volumus pro constanti quod contra vos et bona vestra quecumque sic fortiter et acriter tamquam mandatorum nostrorum transgressores procedemus, quod vobis cedet ad penam et ceteris ad exemplum vosque merito penitebit, quia circa predicta exequenda cum ea qua decet diligentia non vacastis. Datum Valentie decima quarta die februarii anno a nactivitate Domini millesimo trecentesimo quinquagesimo tertio; – Ex auctoritate regia.
NOTE
(1) Musti. Forse l’odierno villaggio di Musei nella provincia di Iglesias.