Il Re Don Pietro IV di Aragona e di Sardegna accorda alla città di Alghero le franchigie della città di Sassari.

(1360, 10 giugno).

Dagli Archivi antichi della città di Alghero.

Petrus Dei gratia Rex Aragonum, Valenciae, Majoricarum, Sardiniae et Corsicae, Comesque Barchinonae, Rossilionis, et Ceritaniae. Dilectis, et fidelibus universis, et singulis officialibus nostris insulae Sardiniae qui nunc sunt, et erunt pro tempore ad quos praesentes pervenerint, salutem, et dilectionem. Cum Universitati proborum hominum villae de Alguerio, et singularibus de ea praesentibus, et futuris per speciale privilegium datum in Castro Calleri decimaquinta die februarij anno a nativitate Domini millesimo, trecentesimo, quinquagesimo quinto, bulla nostra plumbea communitum, perpetuo sit concessum, ut gaudeant omni tempore omnibus, et singulis libertatibus, franquitatibus, et immunitatibus, ac privilegiis, et etiam consuetudinibus civitatis Sasseri, quae sint in scriptis redacta, et redactae. Dictaque civitas Sasseri habere dicatur privilegium de non immittendo vinum aut vindemiam in ipsam civitatem nisi sit civium vel habitatorum civitatis ejusdem. Et ob hoc nobis fuerit supplicatum pro parte consiliariorum, et proborum hominum dictae villae de Alguerio, ut idem privilegium eisdem mandaremus servari. Propterea dicta supplicatione benigne suscepta vobis, et uniquique vestrum dicimus, et madamus expresse, ac de certa scientia quatenus privilegia quae habet dicta civitas Sasseri, et inter alia dictum privilegium de non immittendo vinum, aut vindemiam sub ea forma qua illud habent universitas, et probi homines Sasseri et eis servatur, faciatis servari probis hominibus dictae villae de Alguerio, qualibet contradictione cessante, cum parum prodesset eisdem concedi privilegia, libertates, et immunitates si per vos infrigerentur, vel non observarentur juxta eorum continentias et tenores, D.

Datum Caesaraugustae decima die junij anno a nativitate Domini millesimo, trecentesimo sexagesimo:

Exi.° sancij : –