Pietro Re di Aragona costituisce suoi procuratori Iasperto di Tregurano, e Romeo Lullo di Barcellona, acciò assieme a Francesco di Perilionibus, o due dei tre in assenza di uno di essi, conferiscano con Giovanni Marchese di Monferrato riguardo alle sue controversie coi Genovesi.
(1359, 14 novembre).
Dai Regj Archivi di Corte di Torino, Documenti Genovesi, Serie 1.a, Num. XVII.
In nomine Domini amen. Noverint universi quod nos Petrus Dei gratia rex Aragonum Valencie Maioricarum Sardinie et Corsice Comesque Barchilonie Rossillonis et Ceritanie de legalitate et industria virorum dilecti et fidelium consiliariorum nostrorum Francisci de Perellonibus camarlengui presentis, jasperiti de Tregurano promotoris curie nostre, et Romei Lulli civis Barchilonie absentium plenarie confidentes, citra revocationem aliorum procuratorum nostrorum tenore presentis carte nostre seu publici instrumenti facimus, constituimus, creamus et etiam ordinamus procuratores actores ambassiatores seu nuncios nostros speciales vos dictos Franciscum, Iaspertum, atque Romeum, et duos ex vobis tercio vestrum absente seu infirmante vel interesse non valente ad conferendum et presentandum vos vice et nomine nostro coram egregio viro Iohanne Marchione Montisferrati Imperiali vicario et affini nostro carissimo ac quibuscumque comissariis seu auditoribus eiusdem. Et cum dicto egregio marchione, ac coram eo seu aliter cum ambassatoribus egregii viri Simonis Bucanigra ducis et honorabilis comunis Ianue vel aliis quibuscumque personis ab eisdem potestatem habentibus componendum tractandum conveniendum firmandum seu inhiendum pacem treugam conventiones et federa quecumque de et supra omnibus et singulis iniuriis predis, raubariis, dapnis vulneribus, cedibus incendiis guerra odio rancore seu mala voluntate, offensionibusque realibus et personalibus castrorum et locorum invasionibus et cuiuscumque alterius generis violenciis rapinis ac questionibus quibusuis que hactenus fuere sive intervenere quolibet modo simul sive divisim in quacumque mundi parte inter nos vel subditos nostros quoscumque parte una, et prefatos egregium ducem et honorabile comune Janue et districtuales convencionatos subditos complices valitores et feudatarios ac quomodocumque et qualitercumque coadiutores ipsorum ex altera, seu eius, et de ipsis omnibus et singulis questionibus dapnis iniuriis violenciis predis raubariis rapinis cedibus et vulneribus ac offensionibus quibuscumque finem remissionem quitanciam liberacionem et pacta quelibet faciendum prout vobis et duobus ex vobis ut supra comodius videbitur ac possibilius faciendum. Et ad ea omnia et singula confirmandum sub illis pactis modis formis stipulationibus penis juramentis obligationibus solemnitatibus et cautelis, quibus vobis dictis ambassiatoribus et procuratoribus nostris vel duobus ex vobis expediens videatur in aliquo casuum predictorum, et ad audiendum omnes sententias lauda arbitria vel arbitramenta dicta atque precepta et quelibet alia quas vel que predictus egregius marchio in futurum facere proferre voluerit vigore cuiusdam compromissi in eum facti anno proxime lapso per nos seu nostrum specialem ambassiatorem sive procuratorem ex una parte, et dictum egregium ducem, et tunc conscilium ancianorum, et officii guerre pro ipso comuni, seu ambassiatorem actorem sive procuratorem dicti honorabilis comunis ex altera de quo siquidem compromisso constat publicum instrumentum receptum sive scriptum per Stibiotum Stibii notarium die nona aprilis anno a nativitate Domini MCCC° quinquagesimo nono. Et ad ipsa omnia prolata seu proferenda ratifficandum et emologandum et emologari videndum sicut et prout vobis uti supra videbitur expedire. Nec non in illis et ante illa eorum occasione coram jam dicto egregio marchione ut supra procedendum, proponendum et prosequendum ratione contentorum in dicto compromisso ac occasione eorum, et ad omnia alia et singula faciendum in premissis et circa ea de quibus vobis videbitur seu duobus ex vobis, et ad tradendum eidem egregio marchioni, et in virtutem suam omnia et singula loca terras et castra nostra, vel in quibus jus habemus, sicut eidem egregio marchioni viidebitur, et per ipsum fuerit ordinatum, ponenda et constituenda esse in virtute eiusdem pro securitate et executione pronunciandorum per eum vigore compromissi prefacti vel aliter obligandum nos et bona nostra tam realiter quam personaliter. Inde prout de voluntate dicti egregii marchionis procedet, seu prout ipse duxerit ordinandum aut aliter in omnibus et per omnia prout ipsi marchioni videbitur, seu prout pronunciatum dictum preceptum sive laudatum fuerit in futurum per egregium arbitrum antedictum. Et demum ad compromittendum et compromissum generale faciendum de novo si vobis aut duobus ex vobis fuerit visum de omnibus et singulis supradictis, ac etiam contentis in compromisso predicto et eis coherentibus et connexis vel dependentibus ex eisdem videlicet in prefatum egregium marchionem cum omni potestate atque baylia et sub quibuscumque modis pactis formis tepnoribus penis promissionibus et juramentis stipulationibus et cautelis que vobis dictis ambaxatoribus et procuratoribus nostris ut utilius videbitur expedire et etiam dictum primum compromissum prorogandum si et quatenus vobis fuerit vissum, sub illis scilicet modis pactis et formis cautelis juramentis obligationibus et solemnitatibus de quibus videbitur vobis. – Et generaliter ad faciendum in premissis omnibus et singulis et circa ea et dependentibus ex eisdem seu eis annexis ac ipsorum occasione quidquid visum fuerit vobis, et quicquid nos facere possemus si presencialiter adessemus, et quicquid merita predictorum tam in judicialibus quam extrajudicialibus exigunt et requirunt, et proinde, ac occasione supradictis nos et bona nostra specialiter et generaliter obligandum, et etiam ea omnia et singula corporalibus juramentis nomine nostro gesta sive gerenda componenda paciscenda tractanda ordinanda et firmanda per vos vel duos ex vobis vallandum et etiam roborandum. Dantes et concedentes vobis dictis ambassatoribus nostris procuratoribus sive nunciis et duobus ex vobis ut supra in predictis omnibus et singulis, et aliis quibuscumque eis coherentibus seu connexis et deppendentibus seu emergentibus ex eisdem vel aliquo predictorum plenam largam et liberam potestatem cum pleno libero et generali mandato et administratione bonorum nostrorum ac etiam speciali casu quo specialiter esset quomodolibet opportunum. Promitentes atque jurantes ad dominum Deum et eius sancta quatuor evangelia corporaliter per nos tacta in manu scriptoris nostri et notarii infrascripti tamquam publice persone stipulantis et recipientis nomine et vice omnium quorum interest intererit seu interesse poterit nos perpetuo habituros ratum gratum firmum omne id et quicquid per vos dictos ambassatores sive procuratores nostros seu duos ex vobis actum gestum tractatum compositum firmatum seu procuratum fuerit in predictis et quolibet predictorum et contra ipsa vel ipsorum aliquod non venturos sive facturos aliqua occasione vel causa que dici vel excogitari possit sub obligatione omnium et singulorum bonorum nostrorum habitatorum et etiam habendorum. Quod est actum et datum Cervarie XIIII die novembris anno a nativitate Domini millesimo CCC° quinquagesimo nono, regnique nostri vicesimo quarto – die p.°
Signum—-Petri Dei gratia regis Aragonum Valencie Maioricarum Sardinie et Corsice, comitisque Barchilonie Rossilionis et Ceritanie qui predicta juramus concedimus et firmamus.
Testes sunt promissorum Bernardus de Ulzinellis tesaurarius legum doctor et Brengus de Palacio milites consiliarij ac Bertrandus de Pinos scriptor dicti domini regis.
Sig—-num Petri de Carrega scriptoris dicti domini regis et eius auctoritate notarii pubblici per totam terram et dicionem suam qui predictis interfuit, eaque scripsit cum raso et correcto in prima linea ubi dicitur consiliariorum in XIIII.a ubi ponitur videbitur in XVIII ubi legitur et, in XXIIII ubi inspicitur quorum et in XVI ubi hostenditur ipsi marchioni, et clausit die et anno prefixis.