Ordine del re D. Pietro di Aragona, col quale s’ingiunge ai Sardi abitanti in Alghero di uscirne e vendere le loro possessioni dentro un termine da fissarsi dal Governatore di Logudoro; con divieto perpetuo agli stessi Sardi di abitare in detta città, e possedervi dei beni stabili.
(1372, 28 settembre).
Dagli Archivj antichi della città di Alghero.
Nos Petrus Dei gratia rex Aragonum, Valenciae, Maioricarum, Sardiniae, et Corsicae, comesque Barchinonae, Rossilionis et Ceritaniae. Dum sedula meditatione pensamus quantum laboriose personae nostrae periculum non vitatis, non sine magna effusione sanguinis et infinitis expensis nostrorum fidelium subditorum, dudum villam de Alguerio in insula Sardiniae constitutam a manibus eripuimus tyrannorum et quanta ne dum villa praedicta, et fideles nostre incole ipsius, imo tota res publica regnorum, et terrarum nostrarum, ex habitatione continua Sardorum in ea populatorum, mala et dispendia passi extiterunt temporibus retro lapsis dignum debitum expediens reputamus ac necessarium, quod super hiis, ut omnis scandali cesset materia, et via malis rebellandi praecludatur taliter provideamus, quod villa ipsa, nobis et coronae nostrae regiae conservetur. Quapropter tenore praesentis cartae nostrae, et privilegii perpetuo valituri per nos et nostros successores, ordinamus et statuimus, quod nos vel gubernator noster generales, aut alij officiales nostri, aut successorum nostrorum, quocumque nomine nuncupetur, non possimus, neque possint alicui Sardo, dare, vendere, stabilire aut concedere quovis modo seu causa, intus villam predictam, aut terminos eiusdem, domos, hospitia, patua, seu alias possessiones quascumque; imo Sardi ipsi, ab incolatu villae eiusdem alieni sint ad in perpetuum, ac privati. Et qui Sardi nunc habentes et possidentes in eadem villa, vel eius terminis, domos, hospitia, aut alias quasvis possessiones intra terminum, per dilectum consiliarium nostrum Dalmacium de Iardino militem, gubernatorem et reformatorem Capitis Lugudorij eis praefigendum, easdem, et eadem vendere, aut alias alienare alijs habitatoribus dictae villae habeant, et teneantur, alias lapso ipso termino, decernimus et volumus, ipsas et ipsa fisco nostro protinus applicari. Mandantes per eandem dicto gubernatori, caeterisque officialibus nostris, et successorum nostrorum, praesentibus et futuris, quatenus ordinationem, statutum, et privilegium nostra huiusmodi, quos vim legis volumus obtinere firma habeant, teneant, et observent, tenerique et observari faciant, et non contraveniant, seu aliquem contravenire permittant aliqua ratione. Quicunque autem ducti temerario ausu, contra predicta, vel eroum aliqua venire aut quicquam temptare praesumpserit, iram et indignationem nostram, et poenam mille marabotinorum auri, nostro acquirendorum aerario, se noverint incursuros. In cuius rei testimonium, praesentem fieri, et sigillo maiestatis nostrae impendenti iussimus communiri. Datum Barchinonae vigesima octava die septembris anno a nativitate Domini, millesimo, trecentesimo, septuagesimo secundo, regnique nostri trigesimo septimo. Visa Ro.
Signum † Petri Dei gratia regis Aragonum Valenciae, Maioricarum, Sardiniae, et Corsicae, comitisque Barchinonae, Rossilionis, et Ceritaniae. Rex.
P. Testes sunt. Petrus Terraconae Archiepiscopus Petrus Comes Urgellensi Domicellus Ioannes Impuriarum Comes. Hugo Vice comes Cardone, Raymundus Alamanni de Milione milites.
Signum † mei Bernardi Michelis dicti domini regis secretarij, qui de ipsius mandato haec scribi feci, cum raso in linea VJa anius, et clausa. R. in Sardinia Bernardi Michelis, ex ca.is p. Dominum R. in consil provis P.
Rsta.