Franchigia accordata agli Algheresi aventi balestra, e cento dardi.

(1358, 10 maggio).

Dagli Archivij antichi della Città di Alghero.

Nos Petrus Dei gratia rex Aragonum, Valenciae, Maioricarum, Sardiniae, et Corsicae, comesque Barchinonae, Rossilionis et Ceritaniae. Volentes dare materiam, et causam incolis villae Alguerii, tenendi balistas, et utendi ac sagitandi, cum eisdem, tenore praesentis licentiam, et plenariam facultatem extrahendi a dicta villa, seu ab alia parte insulae Sardiniae viginti quinque raseria frumenti ad mensuram dictae villae et deferendi eadem ad quascumque partes voluerint, inimicorum tamen partibus inde exceptis omnibus et singulis dictas balistas, et centum viratones tenentibus, et ex eis sagittantibus, et cuiulibet eorundem absque jur tretae, et alterius cujuscumque pecunie exactione, dum tamen sex jactus cuntis diebus Dominicis anni continue faciant cum eisdem, ex certa scientia quamdiu nobis placuerit elargimur. Mandantes per hanc eamdem gubernatori, et administratori Lugudorij vicario, et duanerio dictae villae, aliisque officialibus nostris vel eorum locatenentibus, praesentibus et futuris, quatenus licentiam et gratiam nostras hujusmodi firmas habeant, et tenentibus dictas balistas observent, et faciant ab aliis inviolabiliter observari, et non contraveniant, seu aliquem contravenire permittent aliqua ratione. In cuius rei testimonium praesentem fieri, et sigillo nostro iussimus communiri.

Datum Gerundae decima die madii anno a nativitate Domini millesimo trecentesimo quinquagesimo octavo:,

Visa Rō.