Guidatico del re Don Pietro di Aragona per coloro che andranno a popolare la Città di Alghero.
(1357, 17 novembre).
Dagli Archivi antichi della Città di Alghero.
Petrus Dei gratia rex Aragonum, Valenciae, Maioricarum, Sardiniae, et Corsicae, comesque Barchinonae, Rossilionis et Ceritaniae. Nobilibus, dilectis, et fidelibus suis procuratoribus, gubernatoribus, justitiis, vicarijs, baiulis, caeterisque officialibus nostris, vel eorum locatentibus, ad quos praesentes pervenerint, salutem et dilectionem. Significamus vobis, et cuilibet vestrum, quod nos ob favorem civitatis Sasseri, et villae Alguerij, insulae Sardiniae, in quibus non abundat, imo deficit, ut decet, gentium multitudo, tenore praesentis, guidamus, et assecuramus, omnes et singulos qui se transfretaverint ad dictas civitatem et villam Alguerij, causa fovendi eorum domicilium in eisdem, ab omnibus et singulis criminibus et excessibus, per ipsos, et quemlibet ipsorum commissis ubicumque. Nec non elongamus eosdem, et fidejussores pro, et cum eis obligatos, et bona eorundem, penis et usuris cessantibus quibusque a solutione quorumque debitorum quae debeant christianis et iudaeis, censualibus, violarijs, et veris commandis dumtaxat exceptis. Excipimus tamen ab huiusmodi guidatico, proditores, bausatores, fabricatores falsae monetae, violatores itinerum, sodomitas, latrones, et crimen lesae maiestatis committentes. Quodquidem guidaticum, et elongamentum nostra durare volumus per duos dies postquam pro transfretando ad insulam supradictam, civitates, villas, vel alia loca nostra ingressi fuerint, et de facto nostris officialibus securitatem praestaverint, infra biduum de transfretando se in aliquibus navibus, lembis, aut aliis vasis marinis ad insulam memoratam, et ex tunc per quinque annos in antea continue numerandos, dum tamen in dictis civitate et villa, ex quo se recollexerint, et ad dictam insula appulerint residentiam continuam fecerint personalem. Quare vobis et unicuique vestrum dicimus, et mandamus, quatenus guidaticum, et assecuramentum, et elongamentum nostra huiusmodi firma habeatis et observetis, et faciatis ab aliis inviolabiliter observari, et non contraveniatis, nec aliquem contravenire permittatis, aliqua ratione, si de nostri confiditis gratia vel amore. Praecaventes attentius ne occasione cuiuscumque criminis, excessus, vel delicti, supradictos ad dictam transfretari se volentes, et assecurantes, seu aliquem ipsorum nullatenens impediatis seu molestetetis, nec pro debitis seu alijs obligationibus quibusvis superius declaratis dumtaxat exceptis eosdem ullatenus impediatis seu molestetis, nec ad captionem personarum, seu ipsorum bonorum occupationem, aut impeditionem aliquatenus procedatis; quinimo ipsos praedictis non obstantibus, permittatis ad dictam insulam pertransire. Cum nos in favorem ipsarum civitatis et villae, ad hoc, ut ab inimicis nostris melius, et utilius defendere se valeant, et tueri, sic duximus providendum. Datum Turolij, septima decima die novembris, anno a nativitate Domini millesimo, trecentesimo, quinquagesimo septimo.
P. Canc. Rstra.