Ricco, arcivescovo di Cagliari, delegato da Papa Innocenzo III per comporre le dispute insorte tra Biagio arcivescovo di Torres e i monaci del monistero di Nurki per causa di due censi, uno di venti soldi pisani, e l’altro di una libbra di argento, che detti monaci doveano corrispondere agli arcivescovi Turritani in occasione della loro consegrazione, e dell’arrivo nell’isola di Legati Pontificii, li riduce amichevolmente a concordia, della quale sono riferite nel presente atto le condizioni.
(1205, 5 maggio).
Dal Gattola. Hist. Abbat. Cassin., part. I, pag. 427.
Riccus Dei gratia Kallaritanus archiepiscopus cunctis Dei fidelibus, ad quos literae istae pervenerint, salutem perpetuam. Cum prioratus de Nurchi deberet Turritano archiepiscopo pro ecclesia S. Mariae de Chennor solvere viginti solidos pisanae monetae, et pro ecclesia S. Iorgii de Barache unam libram argenti, tam in consecratione novi archiepiscopi, quam in adventu legati Romanae ecclesiae censuali iure praebere, et monachi illi per aliquod tempus dictum censum negligerent exhibere, et ad instantiam domni B. (1) Turritani archiepiscopi causa ipsa sine debito terminanda mihi a domino papa commissa fuisset, in Turritana ecclesia constitutus, partibus coram me convocatis, cum dictus archiepiscopus in litis initio restitutionem census requireret, et monachi praedicti quoddam instrumentum bonae mem. Alberti quondam Turritani archiepiscopi de relaxatione census ostenderent (2), et archiepiscopus non minus restitutionem census, quo iniuste fuerat expoliatus, instanter repeteret, monachi praedicti de iam dicto censu, tam non soluto, quam et solvendo se in saepedicti archiepiscopi potestate omnibus modis dederunt, et ipse archiepiscopus tanquam vir religiosus, et pius ad preces nostras, et aliorum bonorum virorum omnem negligentiam tunc usque factam super solutionem census pro reverentia Dei, et Cassinensis ecclesiae relaxavit, et in futurum dictos viginti solidos remisit in perpetuum. De dicta libra argenti dixit, et statuit, ut certis temporibus, scilicet, ut prius fuerat, et supra scriptum est, Turritano archiepiscopo semper, et pacifice persolvatur, quam indulgentiam dicti monachi valde libenter, et cum plena gratiarum actione receperunt, et ut nulla possit, quod factum erat deleri memoria, huius conventionis factae seriem me scribere rogaverunt, et proprio sigillo munire. Haec acta sunt in ecclesia S. Mariae de Ardera, ubi pro concilio conveneramus. Testes donnus Gregorius Auttensis (3) episcopus, qui huius concordiae auctor extitit principalis, et donnus Ioannes archipresbiter S. Gavini, et donnus Iorgius Scarpa prior Sancti Gavini, et D. Raffael, et Iantus Merla. Anno Dominicae incarnationis millesimo ducentesimo quinto, indictione septima, tertio nonas madii.
NOTE
(1) Domni B. (i. e. Blasii).
(2) Ved. sopr. (cart. N° XCVII del secolo XII) l’atto della remissione di questo censo fatta da Alberto arcivescovo di Torres nel 1170.
(3) Auttensis; parola evidentemente errata. Deve leggersi Othanensis.