Bolla di Papa Innocenzo II, con cui è conceduto privilegio apostolico ai Monaci Camaldolesi per le chiese, monisteri e beni che possedevano in Sardegna.
(1137, 22 aprile).
Dal Mittarelli e Costadoni, Annal. Camald., tom. III, in append., col. 353, 354 e seg. Edit. praed.
Innocentius episcopus servus servorum Dei, dilectis filiis Azoni priori Camaldulensi, ejusque fratribus tam praesentibus quam futuris in perpetuum. Incomprehensibilis et ineffabilis divinae miseratio potestatis nos hec providentiae ratione in apostolicae sedis administratione constituit, ut paternam de omnibus ecclesiis sollicitudinem gerere studeamus. Siquidem Sancta Romana Ecclesia, quae a Deo sibi concessum omnium ecclesiarum retinet principatum, tamquam diligens et pia mater singulis debet ecclesiis instanti vigilantia provvidere. Condecet igitur ut ecclesiae et venerabilia loca, praesertim quae in verae religionis habitu omnipotenti Domino famulari noscuntur, specialoris prerogativae sortiantur honorem, et apostolicae auctoritatis munimine roborentur. Praedecessoris itaque nostri beatae memoriae Papae Honorii vestigiis inhaerentes etc. etc….Porro quaecumque bona, quascumque possessiones in presentiarum juste atque canonice possidetis, aut in futurum concessione pontificum, largitione regum vel principum, oblatione fidelium, seu aliis iustis modis praestante domino poteritis adipisci, firma vobis vestrisque successoribus in eadem religione permanentibus in perpetuum, et illibata permaneant. In quibus haec propriis nominibus adnotanda subiunximus. Ecclesiam videlicet S. Donati, quae Fons Bonus dicitur cum hospitali et omnibus suis bonis etc. etc…In Sardiniae insula monasterium S. Trinitatis in Saccari, ecclesiam S. Eugeniae in Samanar, ecclesiam S. Michaelis et S. Laurentii in Vanari, ecclesiam S. Mariae et S. iohannis in Altasar, ecclesiam S. Mariae in Contra, ecclesiam S. Iohannis et S. Symeonis in Salvenero, ecclesiam S. Nicolai in Trulla, ecclesiam S. Petri in Scano etc. etc…Datum Pisis per manum Aimerici Sanctae Rom. Ecclesiae diaconi cardinalis et cancellarii X. kl. Maji, indictione XIIII. incarnationis Dominicae anno M. C. XXXVII. pontificatus vero domini Innocentii papae II. anno VII.