Il Pontefice Adriano IV riceve sotto la protezione della Sedia Apostolica la chiesa e il monistero della SS. Trinità di Saccaria, e altre nove chiese che i Camaldolesi possedevano in Sardegna.
(1154, 14 marzo).
Dal Mittarelli e Costadoni, Annal. Camald. – Append. al tom. III, col. 475-76-77-78.
Adrianus Episcopus servus servorum Dei dilectis filiis Rodulfo Camaldulensium priori, eiusque fratribus tam presentibus quam futuris regularem vitam professis in perpetuum. Officii nostri nos ammonet et invitat auctoritas pro ecclesiarum statu satagere, et earum quieti ac tranquillitati salubriter auxiliante Domino providere. Dignum namque et honestati conveniens esse dinoscitur, ut qui ad earum regimen Domino disponente assumpti sumus, eas et a pravorum hominum nequitia tueamur, et Beati Petri atque Sedis Apostolice patrocinio muniamus. Eapropter dilecti in Domino filii vestris iustis postulationibus clementer annuimus, et predecessorum nostrorum felicis memorie Paschalis, Eugenii, et Anastasii Romanorum Pontificum vestigiis inherentes, precipimus, et presentis decreti auctoritate sancimus, ne cuiquam omnino persone, clerico, monacho, laico cuiuscumque ordinis, aut dignitatis presentibus aut futuris temporibus liceat congregationes illas et loca illa, que Camaldulensis heremi sive cenobii disciplinam et ordinem susceperunt, queque hodie sub illius regimine continentur, ab eius ullo modo subiectione et unitate dividere, que videlicet loca et congregationes conservande unitatis gratia singularibus visa sunt vocabulis annotanda ecc…
In Sardinia in archiepiscopatu Turritano monasterium Sanctae Trinitatis de Saccaria, ecclesiam Sancte Eugenie in Samanar, ecclesiam Sancti Michaelis et Sancti Laurentii in Vanari, ecclesiam Sancte Marie et Sancti Iohannis in Altasar, ecclesiam Sancte Marie in Contra, ecclesiam Sancti Iohannis et Sancti Symeonis in Salvenaro, ecclesiam Sancti Nicholai in Trulla, ecclesiam Sancti Petri in Scano, ecclesiam Sancti Pauli in Contrognano, ecclesiam Sancti Petri in Olim, etc…
Datum Rome apud Sanctum Petrum per manum Rolandi S. R. E. presb. cardinalis et cancellarii ii idus martii indictione iii incarnationis Dominice anno M. C. LIV, pontificatus vero domini Adriani pape IIII. anno primo.