Bolla di Papa Anastasio IV a favore dell’Abate ed Ordine di Vallombrosa per tre loro monisteri esistenti in Sardegna.

(1153, 22 novembre).

Dal Lami, Monumenta Eccles. Florent., tom. I, pag. 544-45.

Anastasius Episcopus servus servorum Dei, dilecto filio Ambrosio Vallumbrosano Abbati, eiusque successoribus regulariter substituendis in perpetuum.

Iustis religiosorum desideriis consentire, ac rationabilibus postulationibus clementer annuere, Sedis Apostolice, cui largiente Domino deservimus, auctoritas, et fraternitatis unitas, Nos hortatur. Hoc nimirum charitatis intuitu, dilecte in Domino fili Ambrosi Abbas, tuis rationabilibus postulationibus annuentes Vallumbrosanum monasterium, cui (Domino auctore) presides, cum omnibus monasteriis sibi subiectis, sub Apostolice Sedis tutela, et protectione suscipimus, et scripti nostri pagina roboramus etc…

Adiicimus quoque, ut quascumque possessiones, quecumque bona iam dictum monasterium iuste et legitime possidet, aut in futurum concessione Pontificum, largitione Principum, oblatione fidelium, seu aliis iustis modis rationabiliter (prestante Domino) poterit adipisci, quieta vobis, et integra conserventur.

In quibus hec propriis duximus exprimenda vocabulis etc.

Monasterium S. Pauli Pisani.

Monasterio de Plaiano.

Et S. Venesii in Sardinia etc…

Datum Laterani per manum Rolandi S. R. E. presbyteri cardinalis et cancellarii, decimo calendas decembris, indictione secunda, incarnationis Dominice mcliii, pontificatus vero domini Anastasii PP. IV anno primo.