Il Pontefice Eugenio III riceve sotto la sua protezione il monistero della SS. Trinità di Saccaria, e la chiesa di S. Pietro di Scano, che i Camaldolesi possedevano in Sardegna.

(1153, 16 giugno).

Dal Mittarelli e Costadoni, Annal. Camald. – Append. al tom. III, col. 464, 65, 66.

Eugenius Episcopus servus servorum Dei dilecto filio Rodulpho Camaldulensium priori, eiusque fratribus tam presentibus, quam futuris regularem vitam professis in perpetuum. Religiosis desideriis dignum est facile prebere consensum, ut fidelis devotio celerem sortiatur effectum. Ea propter, dilecti in domino filii, vestris iustis postulationibus clementer annuimus et predecessoris nostri felicis memorie Paschalis Pape vestigiis inherentes precipimus, et presentis decreti auctoritate sancimus, ne cuiquam omnino persone, clerico, monacho, laico, cuiuscumque ordinis aut dignitatis presentibus aut futuris temporibus liceat congregationes illas et loca illa, que Camaldulensis eremi sive cenobii disciplinam et ordinem susceperunt, queque hodie sub illius regimine continentur, ab eius ullo modo subiectione et unitate dividere. Que videlicet loca et congregationes conservande unitatis gratia singularibus visa sunt vocabulis annotanda etc…in Sardinia in archiepiscopatu Turritano monasterium Sancte Trinitatis de Saccaria, ecclesiam Sancti Petri de Scanno etc…

Datum Rome apud Sanctum Petrum per manum Rolandi presbyteri cardinalis et cancellarii xvi kl. iulii  indictione prima incarnationis Dominice anno m. c. liii. pontificatus vero domini Eugenii III Pape anno viiii.