Altra Bolla dello stesso Pontefice Urbano III, con la quale riceve sotto l’apostolica protezione i monisteri, che l’ordine di Vallombrosa possedeva in Sardegna.

(1186, 26 giugno).

Dal Lami, Monum. Eccles. Florent., Tom. I, pag. 550-51-52.

Urbanus Episcopus servus servorum Dei.

Dilectis filiis Tertio Vallumbrosano Abbati, eiusque fratribus, tam presentibus quam futuris, regulariter substinendis in perpetuum.

Relisiosis desideriis dignum est nos facilem prebere assensum, ut fidelis devotio celerem sortiatur effectum. Ea propter, dilecti in Domino filii, vestris iustis postulationibus clementer annuimus, et prefatum Vallumbrosanum monasterium, in quo divino estis obsequio mancipati, cum omnibus monasteriis sibi subiectis sub B. Petri, et nostra protectione suscipimus, et presentis scripti privilegio communimus. Statuentes, ut omnis immunitas, et omnis libertas, que a predecessoribus nostris fel. mem. Victore, Gregorio VII, Urbano, Paschale, Innocentio, et Adriano, Romanis Pontificibus, iam dicto monasterio concessa est, futuris perpetuo temporibus firma vobis, vestrisque successoribus, ac Vallumbrosane congregationi, illibataque permaneant. Adiicimus etiam, ut quascumque possessiones, quecumque bona iam dictum monasterium,  Vallumbrosanque omnis congregatio iuste et canonice possidet, aut in futurum concessione pontificum, largitione regum, vel principum, oblatione fidelium, seu aliis iustis (prestante Domino) modis poterit adipisci, firma vobis, vestrique successoribus et illibata permaneant. In quibus hec propriis duximus exprimenda vocabulis.

Locum ipsum, in quo prefatum monasterium situm est, cum omnibus pertinentiis suis etc…

Monasterium S. Pauli Pisani.

Monasterium de Plaiano.

Et S. Venerii in Sardinia etc…

Datum Verone per manum Alberti S. R. E. Presb. Card. et Cancellarii, sexto calend. iulii, indictione quarta, incarnationis Dominice anno 1186, pontificatus vero domini Urbani Pape tertii anno primo.