Il Pontefice Urbano III conferma ai monaci dell’ordine di Vallombrosa tre monisteri che possedevano in Sardegna.

(1186, 12 maggio).

Dal Lami, Monumenta Eccles. Florent., tom. I, pag. 548-49.

Urbanus Episcopus servus servorum Dei.

Dilectis filiis Tertio Abbati Vallumbrosano, eiusque fratribus, tam presentibus quam futuris, regularem vitam professis in perpetuum. Religiosam vitam eligentibus, Apostolicum convenit adesse presidium, ne forte cuiuslibet temeritatis incursus eos a proposito revocet, aut robur, quod absit, Sacre religionis infringat. Ea propter dilecti in Domino filii, vestris iustis postulationibus clementer annuimus, et monasterium Vallumbrosanum in quo divino mancipati estis obsequio ad exemplar felic. rec. Paschalis, Adriani, Alexandri, et Lucii, Romanorum Pontificum, quod, pro Beate  Marie Virginis reverentia, Dei dicatum est, in Romane Ecclesie proprietatem, tutelam et protectionem Apostolice Sedis suscipimus, et presentis scripti privilegio communimus.

In primis siquidem statuentes, ut ordo monasticus, qui secundum Deum, et B. Benedicti regulam, in eodem loco institutus esse dignoscitur, perpetuis ibidem temporibus inviolabiliter observetur. Preterea quascumque possessiones, quecumque bona eadem ecclesia in presentiarum iuste, ac canonice possidet, vel in futurum concessione pontificum, largitione regum, vel principum, oblatione fidelium, seu aliis iustis modis (prestante Domino) poterit adipisci, firma vobis, vestrique successoribus, et illibata permaneant; in quibus hec propriis duximus exprimenda vocabulis.

Locum ipsum, in quo memoratum monasterium situm est, cum omnibus adiacentiis et pertinentiis suis, ecclesiis, et aliis, que ad idem monasterium pertinere noscuntur etc…

Monasterium S. Pauli Pisarum.

Et S. Michaelis de Plaiano.

Et S. Michaelis de Salvenere in Sardinia etc…

Datum Verone per manum Alberti S. R. Eccl. Presbyteri Cardinalis, et Cancellarii, quarto idus maii, indictione quarta, incarnationis Dominice anno MCLXXXVI pontificatus vero domini Urbani Pape tertii anno primo.