Bolla di Papa Innocenzo III, con la quale sono ricevuti sotto la protezione della Sedia Apostolica quattro monisteri, che l’Ordine di Vallombrosa possedeva in Sardegna.

(1198, 4 gennaio).

Dal Lami, Monum. Eccles. Florent., Tom. I, pag. 553 e seg.

In Dei nomine amen.

Innocentius Episcopus servus servorum Dei. Dilectis filiis Martino abbati monasterii Vallumbrosani, eiusque fratribus, tam presentibus, quam futuris, regularem vitam professis in perpetuum. Religiosam vitam eligentibus, Apostolicum convenit adesse presidium, ne forte cuiuslibet temeritatis incursus, aut eos a proposito revocet, aut robur, quod absit, sacre religionis infringat. Eapropter, dilecti in Domino filii, iustis postulationibus clementer annuimus, et prescriptum monasterium Vallumbrosanum, in quo divino mancipati estis obsequio, ad exemplar fel. rec. Predecessorum nostrorum Paschalis, Adriani, Alexandri, Lucii, Urbani, et Celestini Romanorum Pontificum, quod pro B. Marie Virginis reverentia Deo dicatum est, in Romane Ecclesie proprietatem, tutelam, et protectionem Apostolice Sedis suscipimus, etc….

In quibus hec propriis duximus exprimenda vocabulis, locum ipsum, in quo predictum monasterium situm est, cum omnibus adiacentiis et pertinentiis suis, ecclesiis, et aliis, que ad idem monasterium pertinere noscuntur. etc…

Monasterium S. Pauli Pisani in Sardinia.

Monasterium S. Michaelis de Plaiano.

Monasterium S. Michaelis de Salvenero in Arborea.

Monasterium S. Michaelis de Erculento etc….

Datum Laterani per manum Rainaldi domini Pape notarii, cancellarii vicem agentis, II nonas ianuar., indict. II, incarnat. Dominice anno MCXCVIII, pontificatus vero domini Innocentii PP. III anno primo.