Il Pontefice Lucio III riceve sotto l’apostolica protezione le chiese e i monisteri che i monaci Camaldolesi possedevano in Sardegna.
(1183, 7 luglio).
Dal Mittarelli, e Costadoni, Annal. Camald., Tom. IV. Append. col. 116-17-18 e 19.
Lucius episcopus servus servorum Dei dilectis filiis Placido Camaldulensi priori eiusque fratribus tam presentibus quam futuris regularem vitam professis in perpetuum. Officii nostri nos ammonet et invitat auctoritas pro ecclesiarum statu satagere, et earum quieti et tranquillitati salubriter auxiliante Domino providere. Dignum namque et honestati conveniens esse dignoscitur, ut qui ad earum regimen Domino disponente assumpti sumus, eas et a pravorum hominum nequitia tueamur, et beati Petri atque Sedis apostolice patrocinio muniamus. Eapropter dilecti in Domino filii vestris iustis postulationibus clementer annuimus, et predecessorum nostrorum fel. mem. Paschalis, Eugenii, Anastasii, Adriani et Alexandri Romanorum pontificum vestigiis inherentes precipimus, et presentis decreti auctoritate sancimus, ne cuiquam omnino persone, clerico, monacho, laico cuiuscumque ordinis aut dignitatis presentibus aut futuris temporibus liceat congregationes illas et loca illa, que Camaldulensis eremi sive cenobii disciplinam et ordinem susceperint, queque hodie sub illius regimine continentur, ab eius ullo modo subiectione et unitate dividere, que videlicet loca et congregationes conservande unitatis gratia singularibus visa sunt vocabulis adnotanda etc…
In Sardinia in episcopatu Turritano monasterium Sancte Trinitatis de Sacraria; ecclesiam Sancte Eugenie in Samanar; ecclesiam Sancti Michaelis et Sancti Laurentii in Vanari; ecclesiam Sancte Marie et Sancti Iohannis in Altasar; ecclesiam Sancte Marie in Contra; ecclesiam Sancti Iohannis et Sancti Simeonis in Salvenero; ecclesiam Sancti Nicolai de Trulla; ecclesiam Sancti Petri in Scano; ecclesiam Sancti Pauli in Cotrognano; ecclesiam Sancti Petri in Olim, etc…
Datum Bononie per manum Hugonis S. R. E. notarii nonis iulii indictione secunda incarnationis dominice anno M.C.LXXXIII. pontificatus vero domini Lucii pape III anno III.