[c. 14r]
1Die iiii setembris Anno a Christo nato mjlle[s]jmo quadringentesimo quartodecimo
2Pitzia Pabadj de Solarussa, jn su su ultjmu testamentu, hat testadu et lassadu, pro s’anjma sua, tota cudda partj eo mesidadj de jngia qui su quondam dessu babu, nomjnadu Quirigonj Costedda, li lassehit jn su su ultjmu testamentu, situada et posta jn Pardu Spinosu; 3dessa calj partj la testat et lassat assa neta, nomjnada Pintada Melonj, mongia dessu monasteriu de Sanctu Martjnj de Aristanjs, qui de jssa jndi fatat sas liberas voluntades pro necessidades suas o dessu monasteriu. 4Et gasi eo Jacu Deltoro, notariu publjcu de s’artj dessa notaria, mediantj ssu cumandamentu, autoridadj e poderj a mie dadu dessu signore Archjbiscobu de Arborea, naro aher recidu su juramentu dae Pedru Scursonj dessa dita villa, jurande et narande de qui issu tenet et possedit sa dita vigna posta jn su propriu logu de Pardu Spinosu; 5e comente e signore e possehjdore de issa jndi fahet ostentaxione dessa compara fata dessu procuradore dessa Eclesia de Santu Martjnj, cun consentjmentu e voluntade dessas venerandas sorres, sa cale si l’ahan dada sa dita vigna ad oljvellu, et pro nomine de oljvellu paga’nde omnj Anno et jn perpetuum soddos sete et dinares ses assa Eclesia de Sanctu Martinj de Aristanjs, obljgandesi de nou su ditu Pedru Scursonj pagare su ditu oljvellu. 6Et simul jndi ade sas confrontaxiones dessa dita vigna, sa cale tenet conca a via Mediante, qui si bahat assa via dess’Uturu Mannu, e peis assa bjngia de Pintada Fadda, costadu s’unu assu cungiadu de Petianu Porcu, e diss’ateru costadu tenet assa bingia de Salvadore Sistu Pirastu. 7Et gasj ssu ditu Pedru Scursonj debet dari et pagarj su oljvellu assa Eclesia de soddos____ soddos VII, dinares VI.
Sul margine sinistro:
Nota de testamentu:
Pedru Scursonj pagat assa presentj.
Prehidi Inpera Corria pagat assa presentj.
Juan Antiogu Pintori pagat assa presenti.
Segue una firma illeggibile, annullata con tratti di penna.
Dia 31: enero 1778: anti tiene luido Anton Fadda Cadeddu de Solarussa su tanzente del olivel sobre los siette sueldos annaly, que pagava en este convento Seg. Contu en appoca del nuestro instrumentu, custu dia, mes y año a lo quel primero freagiu. Notario.