[c. 13v]
1Die xviii julij Anno a Christo nato mjllesimo quadringentesimo tertio decimo
2Petronjlla Pabadj de sSolarussa, jn su su ultjmu testamentu, declarat et narat comente su quondam dessu babu, nomjnadu Quirigonj Costedda, lassehit una bjngia jn Pardu Spinosu, dae ssa calj s’ind’aeret fatu duas partes: 3una assa dita Petronjlla, comente a figia sua naturale, e diss’atera parte assa sorre, nomjnada Pitzia Pabade; 4dessa calj partj, qui assa dita Petronjlla lj pertocat, la testat et lassahat tota assa dita Eclesia de Santu Martjnj de Aristanjs, pro sustentu et mantenjmentu dessas venerandas sorres, et qui issas jndi fatana sas liberas voluntades, cun obljgaxione perpetua de faguer celebrare duas mjssas de requiem domnj Anno pro s’anjma sua e de babu e mama. 5Et gasj eo Jacu Deltoro, notarju publjcu de s’artj dessa notarja, mediantj ssu cumanda[mentu], autorjdadj e poderj a mje dadu dessu signore Archjpiscobu de Arborea, naro aher recidu su juramentu dae Juhannj Orrù dessa djta villa, jurande et narande qui jssu tenet sa dita vigna; 6e comente e signore de jssa jndi faet ostentaxione dessa compara fata dessu procuradore dessa dita Eclesia, cun consentimentu dessas ditas sorres, sa cale si l’ahan dada ad oljvellu e pro nomjne de oljvellu paga’nde, omnj Anno et jn perpetuum, soddos sete et djnares ses assa Eclesia de Sanctu Martjnj de Aristanjs, obljgandesj de nou su ditu Johannj Orrù pagare su ditu oljvellu et cantjdade de jssu. 7Et simul jndi ade sas confrontaxiones dessa dita vjgna, sa cale tenet conca e fague assa via dess’Olastu, e peis assa vjgna de Antonj Pirjsonj, costadu s’unu assu cunjadu de Johanna de Lacanu, e diss’ateru costadu tenet ad unu petzu de terra de Andria Carta. Et gasj ssu ditu Juhannj Orrù debet darj e pagarj ssu ditu oljvellu assa Eclesia de Sanctu Martjnj_ ____ soddos VII, dinares VI.
Sul margine sinistro:
Nota de testamentu:
Juhannj Orrù pagat assa presentj.
Como pagat mastro Pera Corria prevera.
Juan Antiogu Pintori paga dicho olivell.
Una terza annotazione, annullata da tratti orizzontali sovrapposti alla scrittura, risulta illeggibile.
***
18.4 lj]. Una macchia rende difficile la lettura della prima lettera.