¹Item ordinamus qui sos curadores cum sus ateros iurados de Loghu siant tenudos de chircare sos dannos dessos hominis de sa villa et issos loghos hui ant avire suspectu dogna mese una volta et siant tenudos de chirchare sas domos dessos merchedantis et negosantis c’ant essere in sa villa duas boltas su mese. ²Ichusu deppiant faghire ciaschuno mese sos curadores e iurados qui illoy ant essere in sa villa, salvu qui alcuno curadore over iuradu non esseret in sa villa et siat andado in alcuno loghu legitimamenti e senza fraudi pro fagheri alcuno factu nostro o suo no ’ndi siat tenudo. ³Ma cussos iuradus qui illoy ant essere in sa villa illu deppiant fagheri non lassando et non romanendo per cussu o per cussos qui ’‹n›d’ant manchare. ⁴Et intendat·si que si assa domo intrant .iii. iuradus o plus et chirchant·illa bene sensa fraude qui siat tantu quantu et que si loy intrarint totu sus iurados. ⁵Et in casu qui in zò esseret su curadore negligente paghit assa corte soldos .c. et isso maiore de sa villa soldos .xl. et ciaschuno iurado soldos .xx.

17.R.      De maleficios ‹qui› sus iurados de Logu hant a chircare] De maleficios sus iurados de Logu hant a chircare
17.2.       deppiant faghire ciaschuno mese sos curadores] deppiant faghire sos curadores ciaschuno mese sos curadores
17.3.       essere] assere
17.3.       qui ’‹n›d’ant] qui dant