Constituimus et ordinamus qui in ciaschuna villa si depiat ponne a iurare pro iurados de Loghu in sa villa manna hominis .x., in sa pizina hominis .v., sus megios hominis qui illoi an‹t› esser a voluntadi dessu officiali. ²Et isso scripto de sos iurados villa ad villa, homini ad homini torrent a sa camera sus curadores dae cussa die ad corona de Loghu de sanctu Pedru de lampadas ad pena de pagare libras .viii. assa corte, sos qualis depiant provari sas largas e furas qui si faghint in sa villa o in sa aydatione de sa villa et de tenne sos malosfactores et batiri·lus a sa corte. ³Et si no los tenent, paghint sus iurados soldos .xx. per ciaschaduno et paghint comonamenti sus hominis de sa villa et issos iurados su dannu ad cuy at essere et issa maquicia assu rennu. ⁴Et siant cretidos sus iuradus assu narre issoro; ⁵si totu o sa maiore parte non esserent in concordia no siant credidos et paghint sa maquicia secundu qui de supra narat. ⁶Et si cussa persona ch’eseret dada de iurados boleret provare legitimamenti qui atera persona et non issu avirit factu sa dita fura over accessu, qui in cussu casu issu siat liberu et cussa persona a qui contra esseret provadu siat constritu a pagari sa maquicia. ⁷Et issu maiore et iurados non siant però condempnados pro qui avirint dada sa maquicia ad icussu qui esseret defesu, ma paghit sa maquicia cussu ad qui at contra esser legitimamenti provado e supra sa quali prova chusu ch’eseret dada de iurados deppiat mostrare infra uno mese. ⁸Et similimente siant tenudos de faghire scrivire et colliri totu sas ragiones dessu rennu cantu si det colliri et pagari in sa villa quando esserent requestos per /6r/ ipso officiali issoro o maiore. ⁹Et icusa persona qui non bolirit iurari pro iuradu de credentia o per andari a chircari sas domos et loghus pro sas furas paghit assu rennu pro dognia bolta qui ’ndi adi essere requesto dae su officiali de sa contrada libras .viii. a sa corte et a su curadore boe uno. ¹⁰Et isso officiali o curadore qui adi essere siat tenudo per sagramento de provare·lu et denunciare·lu assa corte quando at benne pro faghere raxone assa camera. ¹¹Et cussu capidulu no si intendat per morte de homini, ma de cussu si observet secundu qui in su capidulu de qui ochirit homini si contenit.

16.1.       qui illoi an‹t› esser] qui illos an esser
16.3.       su dannu ad cuy at essere] su dannn ad cuyu at essere
16.6.       et cussa persona a qui contra esseret provadu] et de cussa persona a qui contra esseret provadu
16.7.       però] paro
16.7.       ad icussu] ad iscussu
16.9.       bolirit] bolirint