1[Item ordinamus qui sos curadores cum sus ateros iurados de Loghu siant tenudos de chircare sos dannos dessos hominis de sa villa et issos loghos hui ant avire suspectu dogna] /8r/ mesi una bolta, e siant tenudos de quirchari sas domos dessos merchantes et negoçantes qui ant esser in cussa villa duas boltas su mesi.
2Et icussu deppiant faguir caschunu mesi sos jurados et curadores qui ’lloi anti esser in sa villa, salvu qui alcunu curadore over juradu non esseret in villa et esseret andadu in alcunu logu legitimamenti et sença fraudi pro faguir alcunu fattu suo over nostru no ’ndi siat tenudu; 3ma cussos jurados qui ’lloi anti esser in sa villa illu deppiant fagher non lasando et non romanendo pro cuso over pro cussos qui ’ndi anti manchari. 4Et intendat·si qui assa domo intri‹n›t tres jurados o plus e quirquint·illa beni sença fraudi, qui siat tantu ‹quantu› et qui si ’lloi intrarint tottu sos jurados.
5Et in caxu qui in ço su curadori esser‹et› negligenti paguit assa corti nostra sollos C et issu maiori dessa villa sollos XL e caschunu juradu paguit sollos XX.
- negoçantes | no oçants ; negosantis A
- icussu | incussu ; ichusu A
- pro cussos | per cussos
- intendat·si | intendant·si ; intendat·si A // siat tantu ‹quantu› et qui | siant tentu et qui ; siat tantu quantu et que A
- esser‹et› | esseret A // caschunu juradu paguit sollos XX | per caschunu juradu paguint sollos XX ; ciaschuno iurado soldos XX A