¹[Volemus et ordinamus qui si alcuna persona esseret morta in alcuna villa de foras o in confines et habitationes de sa villa, siant tenudus sus iuradus dessa dita villa de provare et de tenne su malu factore] /3v/ e de ’llu bature tentu ad sa corti nostra infra unu mesi pro faguiri·ndi sa justicia.

²Et in cassu qui su mali factori non si tenneret et non lu baturint assa corti nostra infra su ditu tempus, paguint sos jurados tottu et issos hominis dessa villa prossa maquicia et prossa nigligencia issoru et pro cha non tennirunt su homini liras CC, si est sa villa manna, et issa villa picinna liras C.

³Et qui cussu homini qui avirit mortu su homini fuirit et non si podirit avir infra su dittu tempus de unu mesi, siat isbandidu dae sas terras nostras et issos benis suos tottu siant conflischados assa corti nostra, reservando inperò sas regonis dessas mugeres e dessos figios qui avirit dae atera mugere qui non aviri‹n›t appidu sa parti apartinenti a issos pro parti dessa prima mugere. ⁴E similimenti si intendat salvas sas rexonis dessos creditores qui avirint ad recivir supra sos benis de cussos. ⁵E ‹si› per alcunu tempus cussu homini qui avirit mortu su homini benit in força nostra non sendo fidadu, siat·illi tagada sa testa per modu qui indi morgiat et nienti de minus dogna persona illu poçat offendere in persona e dari·lli morte sença incurrer pena nen maquicia duranti su dittu tempus dessu isbandimentu suo.

2. lu baturint | u di lu è sovrascritta a un’altra lettera illegibile
3. ‹si› | integro secondo A