¹‹I›tem ordinamus qui si alcuna persone mascho o ffemina daret a mandigare toschu over venenu malu qui si ’llu daret a bier prossu cale indi morret su homini over sa femina ad qui ad esser dadu, ²si ’ndi est confessu over qui ’lli esseret provadu legitimamenti e morret·inde su homini over sa femina ad qui ad esser dadu, qui est homini su qui ad avir fattu su mali siat infurchadu qui ’ndi morgiat e pro dinari perunu non canpit, et si est femina siat assida.

³E qui cussu homini qui si·lli darit su dittu toschu over venenu no ’ndi morret et no ’ndi avirit mancamentu dessa persone sua, siat·illi tagiada sa manu destra e pro dinari niunu non canpit qui non si·lli siat tagiada, et issu simili siat condennadu cussu qui si acatarit in culpa et in consentimentu de tali causa.

⁴[Et qui] cus[su qui] avirit comissidu su ditu maleffic[iu] paguit e pagar[e deppiat sas] spesas et manchamentus et [dampnos et] inter[esses qui at aviri appidu i]n cussu casu [a quini esseret dadu su ditu venenu, gasi de mehigos comenti et de meighinas et ateras causas necessarias a provigione de duos o tres bonus hominis electos per issa corti].

2. prima di over sa femina si legge su qui depennato
3. destra | de estra
4. [meighinas] | meighissas A // [per issa corti] | pro issa corti A