Don Alfonso V Re di Aragona revoca la proibizione già fatta ai mercatanti Sassaresi di portare altrove, fuorchè a Sassari, le loro mercanzie, per essere sottoposte al pagamento dei dritti di Dogana, e poter quindi circolare liberamente nell’isola; e ordina in coerenza, che detti mercatanti possano eziandio portare le loro merci alla Città di Alghero, ed ivi far dogana nello stesso modo che a Sassari.
(1444. – 20 settembre).
Dagli Archivi della Città di Alghero.
Alfonsus Dei gratia Rex Aragonum Siciliae citra et ultra farum, Valenciae, Hierusalem, Hungariae, Majoricarum, Sardiniae, et Corsicae, Comes Barchinonae, Dux Athenarum et Neopatriae, ac etiam Comes Rossilionis, et Ceritaniae. Universis et singulis officialibus nostris tam maioribus, quam minoribus in dicto Regno Sardiniae constitutis et constituendis, et eorum Locatenentibus, salutem et dilectionem. Per expositionem humilem nostrae Majestati factam pro parte et nomine universitatis villae Alguerii per dilectum nostrum Petrum de Ferraria militem, Ambasciatorem ipsius in curia nostra praesentem accepimus, et memoriae reductum est nostrae, quod superioribus annis ad instantiam arrendatorum Dohanae civitatis Saçeris, a nostra curia emanavit provisio et mandatum, quod omnes et quicunque Cives eiusdem Civitatis qui emerent in partibus encontratis et locis dicti regni quibuscunque raupas mercatantias et res quaslibet non possent illas ad villam praedictam Alguerij, Civitatem Bosae, vel alia loca, nisi dumtaxat ad Civitatem Saçeris praedictam, ubi exsolverent Jura Dohanae, et alia deferre, sub incursu gravium poenarum, prout in rescripto inde expedito ad quod nos referimus, haec et alia sunt contenta. Et cum pro copia mercatorum quae est in Saçeris major quam in aliis praedictis terris sequitur ut vix possint ad Alguerium adduci mercantiae et alia praedicta stante prohibitione de qua dictum est, in evidens et notorium praeiudicium universitates et inter caeteras dictae villae Alguerij, cui per expressa Privilegia, et etiam per actum et Capitulum Curiae Regni, sicut caeteris demanialibus terris datum est ab expresso, quod liceat unicuique suas mercantias, res, et bona pro libito adducere, et asportare libere, et absque incursu poenae, et impedimento alicuius officialis nostri, vel Baronis aut Haereditati, quocunque voluerit. Pro debito aequitatae justitae sumus supplicati per eundem Syndicum, ut in praedictis salutare remedium adhibere dignaremur. Eius igitur supplicatione tanquam iusta et rationi consona benigne admissa dicimus et mandamus vobis et cuilibet vestrum de certa scientia consulte deliberare et expresse, sub incursu nostrae indignationis, et irae, ac poena arbitrio nostro reservata, quod super huiusmodi mercibus, rebus et bonis per mercatores Saçeris, et alios quoscunque adducendis et apportandis si voluerint ad villam Alguerii praedictam observet et observari faciatis Capitula Curiarum dicti Regni, et privilegia villae ipsius, et non contrafaciatis quavis causa. Datum in Castronovo Neapolis die Vigesimo Septembris, anno a nativitate Domini Millesimo, Quadringentesimo Quadragesimo quarto. V. Clau RS. In Sardiniae ij.°