Repertorio informatizzato delle fonti documentarie e letterarie della Sardegna

Repertorio informatizzato delle fonti documentarie e letterarie della Sardegna

Secolo XV – XL

Don Giovanni II Re di Aragona accorda a Leonardo Alagon, Marchese di Oristano e Conte di Goceano in Sardegna, la facoltà e il privilegio di dare esecuzione in tutti i luoghi e terre a lui soggette nell’isola alle Bolle Pontificie, con le quali sarebbe provvisto, in caso di vacanza, alle Prelature, Arcipreture, ed altri benefizi ecclesiastici, con cura o senza, esistenti in detti luoghi e terre, e di dare ai provvisti la possessione materiale dei loro benefizi, senza chiederne licenza al Sovrano, nè al Vicerè in Sardegna.

(1469. – 13 marzo).

Dai Regii Archivi di Barcellona, Registr. Sard. VII. ab ann. MCCCCLXVII ad MCCCCLXXVIII, fol. 78.

Nos Joannes, Dei Gratia, Rex Aragonum, Navarrae, Siciliae, Valentiae, Majoricarum, Sardiniae, et Corsicae, Comes Barchinonae, Dux Athenarum, et Neopatriae; ac etiam Comes Rossilionis, et Caeritaniae. Supplicationibus Nobilis, et dilecti Consiliarii nostri Leonardi de Alagon, pro parte vestri Illustris Magnifici Marchionis Oristanni, Comitis de Gociano, Consiliarii nostri dilecti, benigniter inclinati volentes erga vos favorabiliter, et gratiosius Nos habere; Thenore praesentis ad Regiae dignitatis beneplacitum duraturae, concedimus, et licentiam, ac facultatem plenariam elargimur vobis quod cum casus vacationis alicuius praelaturae Archypresbiteratus, aut alterius cuiuscumque Beneficii Ecclesiastici cum Cura, vel sine Cura, in quibusvis Ecclesiis Marchionatus Oristanni, Comitatus Gociani, aut aliarum Villarum, et terrarum vestrarum evenerit, deque dictis Praelaturis, Archypresbiteratibus, aut aliis Beneficiis, cum Cura, vel sine Cura per Summos Pontifices, aut aliquos Praelatos, ad id potestatem habentes, aliquibus personis provisum fuerit, vos idem Marchio nobis inconsulto, et absque aliqua nostra, aut Viceregis nostri exequtoria, possitis pro exequtione dictarum Bullarum Apostolicarum, et aliarum provisionum, possessionem dictarum Praelatiarum, Archypresbiteratuum, et aliorum Beneficiorum cum Cura, vel sine Cura, personis provisis tradere, et tradi facere aliaque auxilia, et favores impendere, quae Nos possimus, et dare consuevimus. Quoniam nos Spectabili, Nobili, Magnifico, et dilecto Consiliario nostro, in dicto nostro Sardiniae Regno Viceregi, et aliis quibusvis Officialibus, et Personis ad quos, et quas pertineat, et spectet intra dictum Regnum constitutis, praesentibus et futuris dicimus, et mandamus de nostra certa sciencia, et expresse, sub florennorum mille poena, quod concessionem, et licentiam nostram huiusmodi, dicto beneplacito perdurante, teneant, firmiter, et observent, tenerique, et observari faciant inviolabiliter per quoscumque, et non contrafaciant, vel veniant, seu aliquem contrafacere, vel venire permittant, ratione aliqua, sive causa. In cuius rei testimonium praesentem fieri jussimus, nostro communi Sigillo in dorso munitam. Datum Caesaraugustae tertiodecimo die Martii anno a Nativitate Domini millesimo CCCCLXVIIII.

Rex Joannes.

Dominus Rex mandavit mihi Philippo Clement.