I protettori delle Compere della Banca di S. Giorgio in Genova destinano per loro Commissarii Ettore di Fiesco e Francesco Sofia, dottori in legge, e Sapienti delle Compere medesime, affinchè si trasferiscano al castello di Lerici onde continuare il processo sulla congiura di Bonifacio in Corsica, interrogare e torturare il vescovo di Ajaccio colà ditenuto, ed eseguire quanto fosse necessario pel compimento di detto processo, con assistenza però del vescovo di Brugnato stato per ciò specialmente delegato dal Papa con Breve del 30 luglio 1480.
(1480. – 14 agosto).
Dagli Archivi della Banca di S. Giorgio in Genova (Registro Diversorum Cancellariae, an. 1477 in 1480 car. 69 recto).
Electio dominorum Sapientum Comperarum pro torquendo Episcopo Adiacensi.
† MCCCCLXXX die XIIII augusti.
Magnifici domini protectores Comperarum sancti Georgii comunis Ianue in legitimo numero congregati: Cum accepissent litteras in forma brevis a Sanctitate domini nostri domini Sixti pape quarti datas Rome apud sanctum Petrum sub anulo piscatoris die XXX iulii anni presentis quibus ipsis attributa est licentia et facultas deputandi commissarios seu ministros ad torquendum et examinandum Episcopum Adiacensem in Castro Ilicis propter proditionem per eum in loco Bonifacii perpetratam detentum: et veritas eiusmodi tractatus ab eo pro salute loci Bonifacii exigi possit: volentes igitur ad executionem predictam devenire: attendentes rem hanc maximi esse incomodi ad salutemque totius patrie pertinere: et eiusmodi causam aliquibus circumspectis et preditis viris committere qui exequantur cum assistentia Reverendi domini Episcopi Brugnatensis delecti in dicta causa per eandem Sanctitatem suam in observationem aliarum litterarum Sanctitatis sue in forma brevis ut supra datarum. Omni via iure modo et forma quibus melius et validius potuerunt et possunt: ac ex omni licentia et arbitrio ipsis ut supra quomodolibet attributis. Elegerunt et nominaverunt Commissarios et Executores suos ad premissa et circa ea et in dependentibus emergentibus et connexis ab eis: Spectatos et circumspectos ac claros iuris utriusque doctores dominos Hectorem de Flisco et Franciscum Sophiam Sapientes Comperarum: quibus tradi et consignari mandaverunt ambas dictas litteras apostolicas: committentes ipsis ut eque et convenienter ac ita et in predicta executione se gerant: ut merito ab omnibus valeant commendari: ac ut veritas ab ipso Episcopo proditore elici possit: quemadmodum ipse apostolice littere decernunt et ut predicta iuridice fieri queant. elegerunt et deputaverunt eiusmodi examinationi scribende et processui conficiendo viros egregios Andream de Cario et Ieronimum Lasagniam notarios: qui fideliter confessionem et ea que reserabit dictus Episcopus et processum totius cause conscribant: ut deinde processus clausus et sigillatus in autentica forma ad Sanctitatem Domini nostri transmitti possit.