Il Re di Aragona Don Giovanni II accorda piena grazia e remissione delle colpe commesse da Giovanni di Basalù e dal suo famigliare Tommaso Barbera, per avere seguito le parti di Leonardo D’Alagon marchese di Oristano e conte di Goceano, dei di lui figli e fratelli, e del Visconte di Sanluri, contro i diritti della Corona.
(1478. – 14 agosto)
Dai Regii Archivi di Barcellona, Registr. Sardiniae, XI, ab ann. MCCCCLXXVII ad ann. MCCCCLXXVIII. fol. 94.
Nos Joannes, Dei Gratia, Rex Aragonum, Navarrae, Siciliae, Valentiae, Maioricarum, Sardiniae, et Corsicae, Comes Barchinonae, Dux Athaenarum, et Neopatriae, ac etiam Comes Rossilionis, et Caeritaniae. Ad nonnullorum familiarium, et domesticorum nostrorum humiles intercessus tenore praesentis crimina quaecunque per vos Magnificum, et dilectum nostrum Petrum de Basalu Militem, et Thomasium Barbera familiarem vestrum commissa, eundo, stando, sequendo, adherendo, et favendo Leonardo Dalagon, olim Marchioni Oristani, eius filio, germanis, et Vicecomiti de Sant Luri, et alijs dictum Leonardum sequentibus, et illi adhaerentibus absolvimus gratiose, definimus, relaxamus, et perpetuo perdonamus. Itaque de caetero quorumcumque criminum, per vos dictum Petrum, et dictum Thomasium Barbera, dicto praetextu commissorum, eundo scilicet, stando, sequendo, adhaerendo, et favendo dicto Leonardo olim Marchioni, eius filio, et Germanis, et Vicecomiti de Sant Luri, et aliis ei faventibus non possit contra vos, et bona vestra procedi ad cautionem, detentionem, exequutionem, arrestum, condemnationem, aut aliquam juditialem, aut extrajuditialem vocationem, immo una cum bonis vestris, et suis sitis quieti, et securi ac perpetuo remissi, relaxati, et perdonati. Imponentes, Nobis, et Fisco nostro super praedictis silentium sempiternum, et omnem viam agendi contra vos, et bona vestra super praedictis eidem praecludendo, abstergendo a vobis omnem infamiae, et ignominiae maculam, si quam pro praedictis incurristis, restituentesque vos ad pristinae famae, et honoris statum, in quibus eratis ante criminum praedictorum patrationem. Cassantes et anullantes quascumque confiscationes, incorporationes, et alienationes, si quae per nos, et oficiales nostros, factae sunt de bonis vestris, ac si factae non fuissent. Hanc tamen remissionem facimus, et facere intendimus vobis dicto Petro de Bisolduno, et Thomasio Barbera, et bonis vestris, et suis, sicut melius dici potest, et intelligi ad bonum sanum, et sincerum intellectum vestri, et vestrorum. Quapropter Serenissimo Ferdinando Regi Castellae, Siciliae, et Legionis, primogenito nostro charissimo, in omnibus Regnis, et Terris nostris generali Gubernatori, et post nostros foelices dies indubitato successori, sub paternae benedictionis obtentu, dicimus, gerentibusque vices nostri generalis Gubernatoris, in Regnis nostris Aragonum, Valentiae, Sardiniae, et Principatu Cathaloniae, Vicarijs, Subvicarijs, Baiulis, Subbaiulis, et aliis universis, et singulis Officialibul nostris, in nostris Regnis, et terris, quomodolibet constitutis, et constituendis, et ipsorum Officialium Locatenentibus, praesentibus, et futuris, dicimus, praecipimus, et iubemus expresse, et de certa scientia, ad nostrae gratiae, et amoris obtentum, poenamque duorum millium Florenorum auri, nostris inferendam aerariis, ut nostram huiusmodi remissionem, et omnia, et singula in ea contenta, teneant firmiter, et observent, et faciant per quos deceat observari, et non contrafaciant vel veniant, aut aliquem contrafacere, vel venire sinant ratione aliqua sive causa. In cuius rei testimonium praesentem fieri iussimus, nostro communi Sigillo in pendenti munitam. Datum Barchinonae die XIIIJ Augusti anno a Nativitate Domini M.CCCC.LXXVIII. Regnique nostri Navarrae anno LIII aliorum vero Regnorum nostrorum XXI.
Rex Joannes.
Dominus Rex mandavit mihi Joanni de Sant Jordi. Visa per Guillermum de Peralta Generalem Thesaurarium, et Rossel pro Conservatore.