Il Re Don Martino I di Aragona ordina alla Loggia delle contrattazioni fi Majorca, che consegni al Clavario della Città di Barcellona tutte le somme già scadute, e dovute pel dritto del Imperiage, le quali erano state depositate per sopperire alle spese della guerra di Sardegna.
(1402. – 25 febbraio)
Dal Capmany, Oper. cit. Colecion Diplomat. Tom. IV. pag. 206, N.° CVII.
Martinus, Dei gratia, Rex Aragonum etc. Fidelibus nostris Defensoribus et Clavario mercanciae Civitatis Majoricarum: salutem et gratiam.
Supplicantibus inde Nobis humiliter Defensoribus et Clavario mercanciae Civitatis Barchinonae, vobis dicimus et mandamus de certa scientia et expresse, sub nostrae irae et indignationis incursu, poenaque quingentorum florenorum auri, quatenus omnes et quascumque pecuniae quantitates per vos ex jure praedicto collectas, habitas, et receptas, seu quae colligi, haberi, et recipi ratione praedicta in Civitate eadem contigerit in futurum, videlicet, partem vos solvere contingentem in et pro succursu Regni Sardiniae, aportetis, tradatis, et deliberetis, seu dari, aportari, et tradi faciatis confestim cum inde fueritis requisiti, et alias prout conventum extitit, tenemini, et debetis Defensoribus seu Clavario memorato, ut de ipsis servitium fieri valeat ordinatum; hocque non mutetis, seu differatis aliqua ratione.
Alias per hanc eamdem injungimus firmiter et expresse, sub poena praedicta, Gubernatori, Vicario, et Bajulo, Juratis, et aliis Officialibus Civitatis et regni Majoricarum, praesentibus et futuris, et Locatenentibus eorumdem, ac aliis ad quos spectet, quatenus praestando eisdem Defensoribus et Clavario super praedictis, quotiens fuerint requisiti, auxilium, consilium, et favorem, vos ad praedicta, tam per executionem et exactionem rigidam dictae poenae, quam alias, forcient et distringant, omni contradictione et dilatione remota, prout et quotiens fuerint requisiti. Datum in Villa Castilionis planitiei Burrianae sub nostro sigillo sancto, vigessima quinta die Februarii, anno a Nativitate Domini millessimo quadrigentesimo secundo. – Narcisus de Canyelles Regens Cancellariam. – Gabriel Mascaroni mandato Domini Regis, facto ad relationem Guillelmi Poneii Secretarii.