Privilegio ed Ordinazione del Re di Aragona Don Martino I, con la quale, abolita la carica di Governatore Generale (Vicerè) del regno di Sardegna, s’instituiscono due cariche distinte di Governatore e Riformatore dei CAPI di Cagliari e di Gallura, e di Governatore e Riformatore del Capo  di Logudoro; si stabiliscono i doveri, i dritti, e le prerogative di detti Governatori, dichiarandoli indipendenti l’uno dall’altro nell’esercizio delle loro funzioni; le cauzioni da prestarsi prima di assumere tale uffizio; la durata di quest’ultimo per soli cinque anni; e la sindacatura cui gli stessi Governatori debbono sottostare alla scadenza del quinquennio; con fissazione delle città e dei luoghi, nei quali tali sindacature avranno da farsi, avuto riguardo alla patria e al domicilio dei Governatori medesimi, con proibizione a costoro di delegare ad altri i loro poteri; e con uno speciale privilegio a favore delle due città di Cagliari e di Alghero, in virtù del quale sarebbero periodicamente invitate a mandare i loro procuratori alle Corti di Maiorca e di Catalogna.

(1401. -, 15 gennaio).

Dagli Atti del Parlamento convocato in Cagliari nel 1553 dal Vicerè D. Lorenzo di Heredia.

In Dei nomine. Pateat universis, quod Nos Martinus Dei gratia Rex Aragonum, Valentiae, Majoricarum, Sardiniae, et Corsicae, Comesque Barchinonae, Rossilionis, et Ceritaniae; Considerantes, quod primus est philosophiae gradus, primaeque laudis initium, genera rerum, proprietatesque discutere, ut quod in singulis verum, vel utile sit prudenter agnoscere, idque feliciter exequatur, quod sibi illuxerit veritas; Et nobis constet, et longa atque tuta discussione sit certum, quod felici regimini Regni Sardiniae dudum a nostris praedecessoribus dignae memoriae Regibus Aragonum tot bellorum stragibus, totque laboriosis sudoribus, et profluviis maximis expensarum virtute insuperabili adquisiti subscripta erant salubria, erantque utilia, et expedientia quamplurimum ipsi Regno; Tenore hujusmodi publici instrumenti nunc, et perpetuo valituri, tam horum respectu quae diximus, quam supplicationum humiliter Nuntiorum civitatum Barchinonae, Valentiae, Majoricarum, et Dertusae, ac villae Perpiniani, quae de felici regimine, et statu utili dicti Regni sunt quadam naturali appetentia curiosae, statuimus, providemus, ac perpetuo Consiliariis et probis hominibus, Universitatibusque, et personis singularibus Castri Callaris, et Appendiciorum ejusdem, nec non villae Alguerii, aliisque universitatibus, et singularibus personis Capitum (1) Callaris, Gallurae, et Logudorii, qui nunc sunt, aut fuerint de caetero, in speciale privilegium indulgemus quodammodo perpetuo in dictis Capitibus Callaris, et Gallurae, sit unicus Gubernator, et Reformator; et in Capite Logudorii alter, et uterque eorumdem, alius siquidem absolutus ab omni jugo, subjectione, et jurisdictione alterius; et e contra gubernationi, et reformationi sibi commissae praesit per constitutum quinquennium, et non ultra, eamque personaliter exerceat, atque regat, prout fuerat antiquitus assuetum; et mox finito dicto quinquennio, utque Gubernatores hujusmodi adstringantur tenere tabulam (2) juxta formam expressatam inferius, tam de universis et singulis occupationibus, durante eorum quinquennio factis, et sequutis, sive in terra, sive in mari, et sive pacis tempore, sive guerrae, de quibuscumque bonis, licet sint de advenis, seu privatis, quam etiam de quacumque alia occupatione, per saepe dictos Gubernatores, seu ipsorum alterum, facta de jurisdictionibus eis pertinentibus, aliisque officialibus dicti Regni; pro qua quidem tenenda tabula, de ipsa in commissionibus de dictis Gubernationibus faciendis specialis mentio fiat. Teneantur ipsi Gubernatores, antequam ad exercitium, sive regimen gubernationum hujusmodi assumi valeant, seu admitti, praestare tutas fidejussorias cautiones, sicut de officis triennalibus per constitutiones Cathaloniae est statutum. Adjicimus tamen, quod dicta gubernationum officia, seu alterum eorumdem, nequeant per quinquennium primo et continuo sequuturum, directe, vel indirecte, seu alias quocumque modo committi alicui, sive aliquibus Nobilibus, seu Baronibus, aut per aliquem, seu aliquos eorumdem exerceri; statuentes, quod si hujusmodi Gubernatores, seu alter eorumdem, fuerit de Regno Valentiae oriundus, seu domiciliatus quomodolibet in eodem, tenere tabulam in civitate Valentiae, si vero de Regno Majoricarum in civitatibus Majoricarum, et demum si de Principatu Cathaluniae in civitate Barchinonae, prout utriusque eorumdem natura, vel incolaris conditio, juxta ipsius mentem exiget, adstringantur; et si forte praecitati Gubernatores, seu alter eorumdem non fuerit de hujusmodi Regnis et Principatu oriundus, vel incola, ut praefertur, ordinamus, statuimus, et volumus, quod ipsi tales, seu alter eorumdem, quos domicilium, et origo fecerint ab ipsis Regnis et Principatu alienos, habeant tenere dictam tabulam in illa ex tribus civitatibus memoratis, de qua Nostrae Regiae Dignitati placuerit, et sibi melius erit visum; declarato tamen, quod antequam praelibati Gubernatores valeant admitti ad dicta officia (ut jam fertur), vel aliquis teneatur obedire eisdem, habeant, et omnimode adstringantur dare praelibatam cautionem cum fidejussoribus opportunis, ad cognitionem Consiliariorum, vel Juratorum illius ex tribus civitatibus memoratis, in qua, juxta eorum proprium domicilium, vel naturam, adstringentur tenere tabulam supradictam. Quae quidem cautio per Nos, si tunc fuerimus in illa civitate, in qua erit tenenda tabula memorata, et in Nostri absentia per principalem Officialem ordinarium ejusdem, recipi, praeunte dicta cognitione, habeatur, et admittatur; de qua quidem praestatione cautionis teneatur uterque dictorum Gubernatorum literam testimonialem habere, et cum praesentatione chartarum officiorum eorumdem illis, quibus expedit, exhibere. Praeterea sancimus, statuimus, providemus, ac in perpetuum privilegium Consiliariis, et aliis praemissis concedimus de certa scientia cum praesenti, quod dicti Gubernatores nequeant de caetero in exercitio dictorum officiorum habere, vel per Nos, aut nostros Successores, vel Officiales nostros, seu eorumdem, conferri illis queat plus jurisdictionis amodo, sive posse, nisi sit, et prout Nobilis Alfo de Proxita, vel Eximenus Petri de Catalayubo, quondam, qui hujusmodi gubernationis tenuerunt officia, habuerunt, et concessum extiterat eis uti (3); revocantes nunc pro tunc, et extra hujus seriem annullantes, si quod inopportunum factum est, vel contigerit fieri per Nos, seu alios supradictos, scienter, vel ignoranter, aut alias quomodolibet in futurum. Item pro submovendis diversis incommodis, quae jugiter reipublicae nostrorum Regnorum propterea subsequuntur, statuimus, omnemque auctoritatem, jurisdictionem, et posse per Nos, et nostros perpetuo Successores dictis Gubernatoribus, aliisque Officialibus, et Commissariis, quomodolibet nuncupentur nunc, vel de caetero, jurisdictionem in dicto Regno exercentibus, et aliis caeteris, ac substitutis, vel locumtenentibus ipsorum, et cuilibet eorumdem, serie hujusmodi abdicamus guidandi, assecurandi, receptandi, recolligendi, vel dandi refrigerium aliquod, seu juvamen per se, vel alium, publice, vel occulte, directe, vel indirecte, quibusvis cossariis (4), seu aliis, qui cum vasis armatis, vel alias, in nostris, vel aliis maribus, depraedati fuerunt, expugnarunt, vel damna personaliter, aut realiter intulerunt, vel infurent etiam quovis modo alicui, vel aliquibus nostris subditis, seu aliis, qui non fiant a Nobis, vel a dictis Nostris praedecessoribus inimici; immo dicti Gubernatores, et alii jam dicti, hujusmodi cossarios, et alios praeexpulsos malefactores, capere, si poterint, et proinde, tam in faciendo restitui damna data, quam alias de eisdem justitiam, ut decebit, facere teneantur. Caeterum perpetuis temporibus providemus, quod si aliquis, seu aliqui familiares, vel de parentela dictorum Gubernatorum, qui nunc sunt, aut fuerint in futurum, nequeat esse Vicarius illius Castri, aut Villae ex praedictis, unde erit Gubernator ille, cui aut junctu sanguinis, aut familiaritatis beneficio adstringetur; nec possint talibus de dicta parentela, vel familiaribus, per Nos, aut dictos nostros Successores, vel alios praenarratos, committi hujusmodi Vicariae officia quomodolibet, vel concedi, imo quaecumque provisiones et commissiones, tam factae quam faciendae, scienter vel ignoranter, seu alias quovis modo, contra vim et seriem praemissorum, nullae fiant, et omnimode stabilitate et efficacia vacuae censentur, nec ullum ibi opportunum fieret obedire talibus personis, vel dictis eorum hiis obviis commissionibus teneatur. Rursus, ut singuli stipendiarii, et alii habitatores quilibet dicti Regni, melius saepius, et audacius in offensam prosiliant nostrorum inimicorum, quorum multos inveteratae rebellionis, et malitiae usus tenet, concedimus eisdem stipendiariis, et habitatoribus supradictis, et aliis etiam quibuscumque, quod de cavalcatis, vel aliis praedis, quae de personis, vel bonis nostrorum hostium fient in dicto Regno, vel in maribus ejusdem, seu alibi, quovis modo nullum jus quinti, vintenique (5), seu quodvis aliud, nec aliquam aliam partem Nobis, aut nostris Successoribus, vel Gubernatoribus, Administratoribusque saepe dicti Regni, vel alicui alio pro Nobis, seu eis, teneatur dare quomodolibet, seu partiri. Quoniam de eisdem per Nos, et nostros perpetuo Successores, nunc pro tunc, et contra, donationem dictis stipendiariis, et aliis facimus praemissis aeternam, et irrevocabilem cum praesenti; imo dictae cavalcatae, sive praedae fiant propria integra, sine diminutione quacumque, illius, vel illorum qui eas fecerint, quique in extinguium dictorum inimicorum fuerint, tam pro Nostri servitio, quam pro eorum commodo animosi, excepto quod de dictis cavalcatis sive praedis solvatur omnimode sub duana (6), prout de iis, vel similibus fuit alias asservatum, et quod lege, et alia expressa, superius attendenda, tenacius servanda praelibati Gubernatores, Vicariique, et Administratores, et alii Officiales, ad quos spectet, in principio suorum officiorum, et antequam utantur eisdem, vel sibi obediatur, ulterius aliquali super ipsis se adstringant juramento, et homagio, et alias cum idoneis fidejussoribus in posse Nostri, vel illius, seu illorum Officialium nostrorum, coram quibus assecuraverint de tenendo dictam tabulam ad cognitionem Juratorum, vel Consiliariorum illius Civitatis, in qua tenere ipsam tabulam adstringentur, quousque de hujusmodi in commissionibus dictorum officiorum specialis mentio fiat. Quid plura? Videntes officium Bajuliae generalis, quod Serenissimus Dominus Rex Joannes divae memoriae frater noster de administrationibus generalibus Capitis Calaris, et Gallure, ac Logudorii, abolenda officia hujusmodi administrationum, erexerat, esse inutile reipublicae dicti Regni, nostrisque juribus nullatenus fructuosum, multis inspectis causis, et aliis ademptis plurimis, quae hic omittimus recitare, dictum officium Bajuliae generalis perpetuo abolemus, et memorata duo administrationum, officia personaliter, et non per substitutos tenenda, et regenda per illas duas personas, quibus de eis semel, vel pluries deinde fiet commissio, reducimus, et prout erat ante abolitionem eorumdem perpetuo tornamus (sic) in terminum (7). Cum universitates Castri Calaris, et Appendiciorum ejusdem, et insuper villae Alguerii dicti Regni pertulerint pro sua fidelitate eximia plus incommodi, plusque gravaminis, et laboris ex rebellione, et strepitibus guerrae, qui diu viguerunt in dicto Regno, ac adhuc usque vigent feraliter (8), in eodem quoque quivis alii, sicut constat, nedum proximis, sed remotis, volentes singulares dictarum universitatum; Idecirco consonaliter, et singulariter super his de, speciali gratia, ac favore ordinamus, et per primo statuimus, ac eisdem universitatibus, et earum singularibus, in aeternum privilegium hujus serie indulgemus, quod officia regia Duaneriorum, Salmeriorum, et aliorum, a quibus recipiatur, seu administretur pecunia nostra in dicto Regno, de praedictis officiis dictorum duorum generalium administratorum habeant committi de caetero personis dictarum universitatum, et non aliis, quae non sint incolae dicti Regni, dummodo heae (sic), quae non fuerint habitatores Regni ipsius, ut praefertur, vel eorum totale domicilium non mutaverint in eodem, quoniam ex dicta ipsorum domicilii mutatione fiant habiles ad ipsa officia obtinenda, et proinde eis fieri commissio officiorum praemissorum, et cujuslibet eorumdem possit tute. Demum, ut tutius sciri amodo status valeat dicti Regni, et singulis ejus salubrius necessitatibus, et opportunis utilitatibus, proinde statuimus, providemus, sancimus, ac in aeternum per Nos, et nostros promittimus Consiliariis, et probis hominibus, ac universitatibus et singularibus Castri Calaris, et villae Alguerii superius contentorum, quod in singulis generalibus Curiis, et aliis etiam quibuscumque, per Nos, vel nostros Successores, seu quosvis alios Nostro nomine, vel eorum celebrandis, Cathalanis, vel Majoricensibus, in futurum convocabimus nostris literis universitates practensas, ut mittant eorum Procuratores, vel Sindicos, qui in hujusmodi Curiis, si eis placuerit, intersint, et alia faciant, quae caeteri, et singuli ad dictas Curias evocati facere poterunt, et debebunt. Ipsi quoque Sindici, licet die eis praefixa non venerint, adhuc recipiantur, et admitti omnino habeant in Curias singulas supradictas, die et hora qua venerint, cum distantia legali pensata, ac dubia et junctura navigatione attenta, velimus dictas universitates hac singulari, et rationabili praerogativa gaudere. Mandamus itaque per Nos, et nostros perpetuo Successores, Gubernatori nostro generali (9), de certa scientia et consulte, nec non ejus vices gerentibus, et singulariter in dicto Regno Vicariis, Bajulis, Curiis, Justitiis, Procuratoribus, Consiliariis, Administratoribus, aliisque universis et singulis Officialibus, et subditis nostris, praesentibus et futuris, ad quos spectet, sub incursu irae Nostrae, ac poena duorum mille florenorum auri vice qualibet qua contrafecerint persolvenda; quatenus omnia et singula supradicta, quae per Nos, et nostros perpetuo Successores tenere, servare, in posse Nostri Secretarii, et Notarii infrascripti, ut publicae personae, promittimus, ac juramus per Dominum Deum, et ejus sancta quatuor Evangelia a nobis tacta inviolabiliter stabilitate observentur, et faciant ab aliis tuta firmitate servari, et contra non faciant, aut veniant quavis causa; auferentes eisdem in genere et specie faciendi contrarium omne posse: in cujus rei testimonium praesens publicum instrumentum fieri jussimus, sigillo Nostrae Majestatis in pendenti communitum. Datum, et actum Barchinonae decima quinta die januarii, anno a Nativitate Domini millesimo quadringentesimo primo, Regnique Nostri sexto. –

Mathias Vicarii. Signum Martini Dei gratia Regis Aragonum, Valentiae, Majoricarum, Sardiniae et Corsicae, Comitisque Barchinonae, Rossilionis, et Ceritaniae, qui praedicta concedimus, firmamus etiam, et juramus. Testes sunt, qui fuerunt ad praedicta praesentes, Reverendus in Christo pater Dominus Petrus tituli Sancti Martini in montibus Praesbiter Cardinalis, vulgariter de Catania dictus: Nobilis Berengarius de Cruillis; Gilabertus de Centellas; Olfo de Proxita milites Camerlengi; et Ioannes de Plano legum Doctor thesaurarius, consiliarius Domini Regis praedicti; et nonnulli alii in multitudine copiosa.

Signum Guillermi Poncti Secretarii Serenissimi Domini Regis Aragonum supradicti, authoritateque Regia Notarii publici per totam terram, et dominationem suam, qui mandato ejusdem haec scribi fecit, et clausit; cum rasis in lineis sexta inferius tam de VIII. trienalibus per Constitutiones Cathaloniae est sancitum XXX. et perpetuo trigesima octava persolvenda; et in prima linea testium in Christo in Sardiniae primo. Dominus Rex mandavit mihi Guillielmo Ponti, in cujus posse firmavit et juravit. – Resistratum.

(1) La divisione amministrativa dell’isola in due Capi, di Cagliari (meridionale) e di Sassari (settentrionale), data dai primi tempi della conquista Aragonese. Tale divisione, che in certo qual modo è anche geografica, si operò in conseguenza della caduta degli antichi Giudicati Sardi. Infatti il Capo di Cagliari comprendea l’antico Giudicato di questo nome, una parte dell’altro di Arborea, ed una porzione dell’Ogliastra; e il Capo di Sassari l’altra parte del Giudicato di Arborea, e gli antichi Giudicati di Torres e di Logudoro, e di Gallura. – La Gallura fu per lungo tempo compresa politicamente nel Capo di Cagliari. E dopo la caduta dell’ultimo Marchese di Oristano il contado di Goceano fu talvolta chiamato Capo ancor esso.
(2) Tenere tabulam; assoggetarsi cioè a pubblica, e quinquennale sindacatura. Questa sindacatura era stata chiesta, e convenuta per la prima volta con patto espresso nella pace fatta da Eleonora Giudicessa di Arborea con D. Pietro IV re di Aragona nel 31 agosto 1386; rinnovata poi col re di Aragona D. Giovanni I nel 24 gennaio 1388. – Ved. il Vol. I di questo Codice fol. 817 e seg. e specialmente fol. 819, col. 1, nota (4).
(3) Si determina, che li due Governatori e Riformatori non avessero maggiori poteri di quelli già conferiti a Olfo (qui Alfo) di Procida, e a Pietro Esimeno di Catalayubo, i quali aveano occupato le stesse cariche prima che il Re di Aragona D. Giovanni I le abolisse, creando sulla rovina delle medesime la più alta carica di Governatore e Capitano generale dell’isola; la quale appunto è abolita alla sua volta con la presente Ordinazione del Re Don Martino I.
(4) Cossariis; cioè Corsari; nome che nel 1401 comprendea i ladri di mare.
(5) Si accorda piena franchigia ed esenzione dai dazi, chiamati dritti del quinto, e del venteno, ossia della quinta e vigesima parte, che sotto il governo Aragonese si pagava in Sardegna, o in natura, o in denaro, secondo la specie o il valore, per tutte le produzioni naturali e industriali. Molti altri dazi e contribuzioni posteriori, anche volontarie, derivarono da questo sistema finanziario il proprio nome, come fra le altre la quinta barraccellare, dovuta alla Compagnia dei Barraccelli in ciascun Comune per l’assicurazione dei danni, che la medesima facea per le proprietà campestri.
(6) Dalla franchigia, di cui nella nota precedente, fu eccettuato il dritto di dogana, che si dovea sempre pagare.
(7) Tornamus in terminum; che vuol dire: restituiamo le cose alla forma, e all’ordine primitivo, ed antico. Perché in origine, dopo la conquista Aragonese, furono due i Governatori dell’isola, uno del Capo di Cagliari, e l’altro del Capo di Sassari e Logudoro; anzi questo secondo fu il primo nominato, con l’aggiunta del titolo, ed uffizio di Riformatore. Il re D. Giovanni I di Aragona, figlio del re D. Pietro IV, abolì queste due cariche, e creò quella di Governatore generale dell’isola, alla quale destinò Esimeno Pietro di Arenoso, il quale firmò a di lui nome in Cagliari la pace con Eleonora di Arborea nel 24 gennaio 1388 (Ved. Vol. I di questo Codice, fol. 822, col. 1). Ma l’esperienza avendo dimostrato la inutilità, anzi il danno che quest’alta carica avea cagionato all’isola, il re D. Martino I l’abolì con la presente Ordinazione, e richiamò a vita li due Governatori del Capo di Cagliari, e di Gallura, e del Capo di Logudoro.
(8) Si accenna alla guerra, che continuava sempre viva tra Eleonora di Arborea, e i Sardi suoi aderenti da una parte, e il re Don Martino I e i suoi seguaci nell’isola dall’altra parte. Di questa guerra che pel re di Aragona Don Martino I cominciò dal 1395, anno di sua assunzione al trono, si è già parlato nella Dissertazione Quinta (Vol. I di questo Codice, fol. 497, col. 1 e 2). Del suo seguito abbiamo già discorso nella precedente Dissertazione Sesta e ne produciamo qui appresso i documenti.
(9) Mentre la presente Ordinazione, o Privilegio, emanava dall’Autorità Regia, era Governatore generale dell’isola Giovanni Francesco di Santa Colomba, il quale chiuse la serie dei Governatori Generali nominati dal re di Aragona D. Giovanni I. Ed è perciò che il re D. Martino, per il pieno eseguimento del nuovo ordine, e sistema di comandi stabilito col presente Privilegio, si volge a lui come Gubernatori nostro Generali.