Diploma del re Don Pietro IV di Aragona, nel quale sono tassati i dritti, che i notai doveano riscuotere in Sassari per qualunque trascrizione, ed autenticazione di stromenti, e di carte pubbliche.
(1336, 10 giugno).
Dagli Archivi ant. della Città di Sassari.
Nos Petrus Dei gratia rex Aragonum, Valentie, Sardinie, Corsice, Comesque Barchinonis. Supplicationi fidelis nostri Michaelis Amarelli civis Sassari, nuntii sive ambaxiatoris ad nos pro parte consiliariorum et proborum hominum civitatis Sassari destinati nobis nomine ipsorum exhibite, continenti quod in dicta civitate exhiguntur et recipiuntur a civibus ipsis pro auctoritatibus seu decretis que ponuntur in translatis publicis seu transumptis, vel in instrumentis cure, vel tutele aut aliis quibuscumque tresdecim solidi… denariorum alfonsinorum minutorum, annuentes benigne, tenore presentis concedimus, statuimus, ac etiam ordinamus perpetuo, quod detreto pro dictis auctoritatibus seu decretis in dictis translatis ac trasumptis publicis, vel instrumentis cure tutele, aut aliis quibuscumque apponendis non exhigantur aut recipiantur ultra decem solidi alphonsini minuti, cum propter necessitatem dictorum civium hoc eis gratiose duximus concedendum, mandantes per presentem vicario, et subvicario dicte civitatis ac eius assessori, et notario sive scribe curie ipsius, vel eorum loca tenentibus, qui nunc sunt vel pro tempore fuerint quatenus pro dictis decretis in dictis instrumentis seu transumptis apponendis a dictis civibus non exhigant seu exhigi faciant pro quolibet ultra decem solidos supradictos, nec non gubernatori generali Sardinie, et Corsice regni, ceterisque officialibus nostris vel eorum loca tenentibus, presentibus et futuris, quod concessionem, statutum, et ordinationem nostram huiusmodi firmam habeant, teneant, et observent perpetuo, et faciant per quoscumque inviolabiliter observari, et non contraveniant, nec aliquem contravenire permittant aliqua ratione. In cuius rei testimonium presentem cartam nostram inde fieri jussimus sigillo nostro appenditio roboratam. Data Ilerde quarto idus junii, anno Domini millesimo trecentesimo tricesimo sexto…
Signum † Petri Dei gratia regis Aragonum, Valentiae, Sardiniae et Corsicae, Comesque Barchinonis.
Testes sunt
… Cesarauguste Archiepiscopus.
Arnaldus… Archiepiscopus.
… de Ribellis.
Ottho de Montecatheno.
Arnaldus de Fotibus.
Si†gnum Guillelmi de Vila scriptoris dicti domini regis, qui de mandato ejusdem hoc scribi fecit, cum raso, et emendato in linea VI. ubi dicit – faciat pro quolibet ultra et dari fit – .