Cristoforo di Paolo, inviato speciale della repubblica di Genova, protesta solennemente al cospetto di Pietro re di Aragona pe’ danni, che la detta repubblica risentiva, per non avere egli ottemperato, e non voler ottemperare alla sentenza, ed agli ordini dati da Giovanni marchese di Monferrato nella qualità di arbitro eletto di comune accordo per definire le loro questioni.
(1360, 8 ottobre).
Dai Regii Archivi di Corte di Torino, Documenti Genovesi, Serie 1.a, Num. XXVI.
In nomine Domini amen. In presentia mei notarii infrascripti et testium infrascriptorum ad hec specialiter vocatorum et rogatorum pro testibus constitutus in presentia serenissimi principis et domini domini Petri Dei gracia Aragonum etc. regis providus vir Christophorus de Paulo notarius et canzellarius comunis Ianue sindicus ut asserebat ac ambaxator nuncius et procurator magnifici et excelsi domini domini Simonis Bucanigre Dei gracia ianuensium ducis et populi deffensoris ac etiam imperialis vicarii et amirati generalis et comunis Ianue supplicavit dixit requisivit et protestatus fuit dicto domino regi presenti audienti et inteligenti nomine et pro parte dicti domini ducis et comunis Ianue. quod cum per illustrem principem et dominum dominum Iohannem Dei gracia marchionem Montisferrati et vicarium imperialem etc. tamquam arbitrum arbitractorem et amicabilem compositorem et comunem amicum ellectum et assumptum. inter dictum dominum regem seu eius ambaxatores et nuncios ex una parte et dictum dominum ducem et comune Ianue seu sindicos et ambaxatores dictorum ex altera. inter ipsum dominum regem et dictum dominum ducem et comune Ianue late fuerunt alique sententie scripte manu mei notarii infrascripti quarum prima lata fuit hoc anno die XXVII marcii secunda lacta fuit die penultimo dicti mensis marcii et reliqua lata fuit die XXI mensis iunii proxime preteriti. quatenus ipse dominus rex ipsas sententias et quamlibet earumdem et omnia et singula in ipsis contenta dicta pronunciata declarata et sententiata per dictum dominum marchionem et etiam pro parte ipsius domini marchionis per me dictum Stibiotum notarium infrascriptum tamquam ambaxatorem dicti domini marchionis requisita a dicto domino rege pro dicti parte domini marchionis fieri et observari per dictum dominum regem pro bono et observacione pacis pronunciate per dictum dominum marchionem inter dictas partes dignetur et vellit actendere observare et execucioni mandare prout dictum sententiatum et pronunciatum est et fuit per dictum dominum marchionem ac per me dictum Stibiotum etiam requisitum. cum per dictum dominum ducem et comune Ianue et pro parte ipsius paratum sit et est fieri omnem execucionem mandatis per dictum dominum marchionem. et sic se obtulerunt et offerunt ut dicit dictus Christoforus et ipse Christoforus dicto nomine pro parte ipsorum. aliter ipse Christoforus dicto nomine proptestatur contra ipsum dominum regem de omni dampno et interesse dicti domini ducis et comunis Ianue. et de predictis rogavit dictus Christophorus dicto nomine me notarium infrascriptum ut ad ipsorum memoriam et dicti domini ducis et comunis Ianue cautellam quod publicum conficiam instrumentum. Actum Barchinonie in camera consilii dicti domini regis anno Domini MCCCLX indicione XIII die VIII mensis octobris presentibus testibus Andriolo Pelegrino. Iohanne de Bonisegnor civibus Ianue. Georgio Constancio de Finario et Iacobo Rastello cive astensi.
Et ego Stibiotus Stibius publicus imperiali auctoritate notarius et canzellarius prefati magnifici domini marchionis omnibus et singulis suprascriptis rogatus interfui et sic scripsi.