Giovanni marchese di Monferrato, in virtù della bailia, e poteri conferitigli dal Re di Aragona, e dai Genovesi, proroga per cinque anni, a datare dalla prossima festività di Pentecoste, il Compromesso fatto nella sua persona, per pronunziare il lodo sulle loro questioni.

(1360, 27 marzo).

Dai Regj Archivj di Corte di Torino, Documenti Genovesi, Serie 1.^a, Num. XXI.

Anno Domini millesimo tercentissimo sexagessimo indictione tertiadecima die vigessimo septimo mensis marcii in presencia testium infrascriptorum illustris princeps et magnifficus dominus, dominus Iohannes marchio Montisferrati imperialis vicarius etc. Arbiter arbitrator et amicabilis compositor et comunis amicus electus et assumptus per nobilem militem dominum Franciscum de Perellonibus camerlengum ac procuratorem et procuratorio nomine serenissimi principis et domini, domini Petri Dei gratia regis Aragonum Valencie Maioricarum etc. ex una, et pro una parte, et circumspectum virum dominum Leonardum de Montaldo jurisperitum civem januensem sindicum actorem procuratorem ambaxatorem et nuncium specialem sindicario actorio procuratorio et ambaxatorio nomine magniffici et excelsi domini, domini Symonis Bucanigre Dei gratia ducis januensium et populi defensor etc. et comunis Ianue, ac omnium et singulorum januensium, et qui pro januensibus in quacumque mondi parte se tractant et reputant, ac quarumcumque civitatum terrarum et locorum ipsi comuni Ianue in quacumque mondi parte suppositorum seu etiam convencionatorum cum ipso comuni nec non etiam quorumcumque comitum marchionum seu etiam dominorum feudatorum vassallorum seu coadjutorum adherentium et sequacium ipsius comunis ex parte altera de omnibus et singulis guerris discordiis rancunis invasionibus occupationibus captionibus incendiis dapnis magnis sive minimis causis sive questionibus quibuscumque cuiuscumque conditionis existant, et quocumque nomine censeantur inter ipsas partes motis vel ortis seu vertentibus et que oriri movi seu vertere possent quovis modo de jure vel de facto etc. tali modo etc. quod ipse possit et valeat dicere sententiare pronunciare etc. prout de compromisso facto in ipsum dominum marchionem constat publico instrumento recepto abreviato et in publicam formam reddacto per me Stibiotum Stibium notarium infrascriptum sub anno Domini millesimo tercentesimo quinquagesimo nono indictione duodecima die nono mensis aprilis – Qua auctoritate et baylia ac vigore auctoritatis ac baylie eidem domino marchioni arbitro supradicto date et concesse in eodem compromisso ipsum compromissum prorogandi semel tantum ad illum terminum qui ei videbitur et placuerit, et quem voluerit presentibus etiam volentibus et consentientibus dicto domino Francisco de Perillonibus, domino Jasperto de Tregurano et Romeo Lulli procuratoribus et procuratorio nomine dicti domini regis ut constat publico instrumento abreviato et scripto per Petrum de Carrega notarium sub anno Domini millesimo CCCLVIIII° die XIIII.^a novembris. Et circumspectis viris dominis Francisco de Henrico jurisperito Gabrielli Adurno et Dominico Fatinanti sindicis auctoribus procuratoribus et nunciis dictorum dominorum ducis et comunis Ianue ut constat publicis instrumentis coram eo productis etc. ac omni jure via modo et forma quibus melius potuit et potest predictum compromissum ac omnem et singulam bayliam auctoritatem potestatem arbitrium et posse quodcumque sibi quomodocumque et qualitercumque concessum quesitum datum attributum ex forma dicti compromissi et contentorum in eo ac ratifficationum factarum per dictum dominum regem et dominum ducem et comune Ianue, et instrumentorum procurationum et sindicatuum concessorum et concessarum et datorum ac datarum per dictum dominum regem dictis domino Francisco de Perellonibus domino Jasperto de Tregurano et Romeo Lulli, per dictos dominos duces ancianos et officiales guerre comunis Ianue dictis dominio Leonardo Francisco Gabriello Dominico et cuilibet eorum tam comuniter quam divissim ac etiam subsequenter dicto domino marchioni seu etiam alio quovis modo, qui ad presens vel in futurum dici possit seu modo aliquo machinari – Prorogavit et prorogat sibique reservavit et reservat usque ad annos quinque proxime venturos inchoandos in die festi pentecostes proxime venturi ita et tali modo quod non obstantibus aliquibus sentenciis pronunciationibus declarationibus preceptis ordinamentis seu executionibus factis vel etiam faciendis dictis declaratis preceptis ordinatis vel executis seu dicendis declarandis precipiendis ordinandis vel exequendis, sive super pace pronuncianda inter dictas partes, sive super causis questionibus et litibus vertentibus et que verti sperantur vel possent inter dictas partes vel aliquibus aliis causis vel articulis seu ordinationibus quibuscumque precipiendis vel ordinandis per ipsum dominum marchionem seu precepto vel mandato vel ordinatione ipsius quomodocumque vel qualiitercumque sint facta dicta declarata precepta ordinata executa seu fienda dicenda declaranda precipienda ordinanda vel exequenda a dicto die nono aprilis anni MCCCLVIIII usque ad finem dictorum quinque annorum inchoandorum in dicto festo pentecostes ut supra – ipse dominus marchio habeat et semper habere intelligatur omnimodam potestatem bayliam facultatem arbitrium et posse plenissimum liberum absolutum semper semel et pluries dicendi sententiandi pronunciandi arbitrandi arbitramentandi precipiendi diffiniendi, adiudicandi absolvendi condepnandi, et amicabiliter super omnibus tam pronunciatis quam non pronunciatis et cum obligationibus realibus personalibus et mixtis de quibus in dicto compromisso et in ratifficationibus fit mentio, ac super quibuscumque caussis cassibus et articulis qui vel que movi vel oriri possent inter dictas partes, et tam supra nominatis quam non nominatis componendi ac etiam de quibuscumque terris civitatibus locis bonis et rebus quibuscumque suppositis vel existentibus sub dominio vel ad obedientiam dicti domini regis vel dicte civitatis Ianue seu civium vassallorum vel subditorum ipsorum dominorum regis ducis et comunis Ianue tam in Sardinia et Corsica quam in quacumque alia mondi parte quemadmodum habet et habere posset si hodie et ista hora finaliter diceret et pronunciaret super omnibus et singulis guerris discordiis rancunis invasionibus occupationibus incendiis dapnis magnis sive minimis causis sive questionibus quibuscumque cuiuscumque conditionis existant et quocumque nomine censeantur que inter ipsas partes sunt vel esse possent quovis modo de jure vel de facto seu alio quoquomodo et ita et tali modo quod ipsum compromissum sit et esse intelligatur usque ad finem dictorum quinque annorum in eo statu vi et robore quibus modo est vel fuit non obstante aliquo jure seu aliqua exceptione de mondo, etiam competenti et juridica, et cum illis clausulis obligationibus sacramentis et penis tam realibus quam personalibus, quinymo ad cautelam sit et esse intelligatur per utramque dictarum partium siquid et quicumque contra eum aliquid opponet de jure vel de facto de novo factum et renovatum prout et sicut ipsum compromissum modo scriptum est et etiam ordinatum in qualibet sui parte. Actum in civitate Astensi in palacio habitationis prefati domini marchionis presentibus testibus illustri viro domino Ottone duce brunsuicense, reverendo domino fratre Francisco Dei et apostolice sedis gratia episcopo Veniensi, domino Iohanne de Cochonato comite et milite, domino Iacobo de sancto Georgio ex comitibus de Blandrate milite, domino Oliverio Turcho de Castello milite, domino Bonifacio de Cochonato comite et milite et magistro hospicii dicti domini marchionis, domino Anthonio Lupo ex marchionibus de Sorannia capitaneo forestarie dicti domini marchionis in Ast, domino Nicholao de Capraria legum doctore potestate Ast, domino Raymundo de Solerio milite et legum doctore, domino Francisco de Summo legum doctore domino Albertino de Guastonibus legum doctore, domino Ottolino de Ghiselbertus legum doctore et comite palatino vicariis prefati domini marchionis, domino Rodulfo de Garreto decretorum doctore vicario domini Astensis episcopi, domino Petro de Zamoreis capitaneo populi Astensis, domino Frederico Guanleta legum doctore, domino Francisco Zopo licenciato in jure civilii, Bauduino de Rocheta, Oddono de Incisia, Guillelmo de Incisia, Iohanne de Rocheta ex marchionibus Incisie, Iohanne de Cerexeto Catalano de Mazadio ex comitibus de Valpergia, Nicholello de Tilio, Guillelmo de Gabiano Gineto de Cavagnolio Conrado Asinario, Petro de sancto Georgio, Anthonio ex comitibus de Valpergia, Anthonio de Montabono, Ottone et Oddonino de Gunt de Castello, Sadino de Sancto Georgio de advocatis, Guillielmo de Fraxinello ex comitibus Cabuliate Dominico de Montilio, Saglino de Fraxinello et pluribus aliis. De quibus omnibus et singulis dictus dominus marchio arbiter et arbitrator predictus presentibus audientibus et intelligentibus dictis procuratoribus et sindicis dictorum dominorum regis ducis et comunis Ianue et quolibet eorum precepit per me Stibiotum Stibium notarium et canzellarium infrascriptum fieri plura publica instrumenta prout melius et solepnius fieri poterit et dictari.

Et ego Stibiotus Stibius publicus imperiali auctoritate notarius et canzellarius prefati domini marchionibus omnibus et singulis suprascriptis vocatus et rogatus interfui et sic scripsi, signumque meum consuetum appossui in testimonium omnium premissorum et me subscripsi.