Privilegio del Re D. Pietro di Aragona per l’unione del castello di Bonvehi, e sue ville, alla città e vicariato di Alghero.

(1355, 10 agosto).

Dagli Archivi antichi della città di Alghero.

Nos Petrus, Dei gratia Rex Aragonum, Valenciae, Maioricarum, Sardiniae, et Corsicae, Comesque Barchinonae, Rossilionis, et Ceritaniae. Attendentes per probos homines villae nostrae Alguerij fuisse nobis humiliter supplicatum, quod ex quo ipsa villa unica sola est sine aliis locis seu villis ei adhaerentibus et annexis eidem, et vicariatui eiusdem aliqua loca, seu villas aplicare, seu unire, ex nostra solita clementia dignaremur. Idcirco dictis suplicationibus inclinati benignius, volentes dictam villam prout meretur insignire, et iuridictionem ac comodum et utilitatem ipsius, et habitantium in eadem extendere, sive etiam ampliare Cum praesente carta nostra, perpetuis temporibus valitura, castrum novum de Bonvehi, cum omnibus villis et locis ipsi castro adiacentibus, et cum hominibus et feminis inibi habitantibus, et habitaturis, nec non cum montibus, vallibus, pascuis defesijs, saltibus, molendinis, aquis, aquaeductibus, et cum omnibus terminis, et terris, ac alijs iuribus et pertinentijs ad dictos castrum, et alia loca praedicta pertinentibus, et pertinere quoquomodo debentibus, dictae villae nostrae de Alguerio, et vicariatui eiusdem, unimus, applicamus, seu etiam aggregamus; ita quod ex nunc dictum castrum, et villae, ac loca ei adiacentes, et adiacentia, et habitantes in eisdem, cum omnibus iuribus praedictis, dictae villae, et vicariatui eiusdem sint unita, applicata, seu etiam aggregata, et de vicariatu ipsius villae Alguerij se nuncupent, et appellent, Vicarioque ipsius villae, qui nunc est, vel in futurum fuerit, in omnibus actibus, et processibus, seu exautamentis, tam civilibus, quam criminalibus, et alijs quibuscumque obediant, ipsumque pro eorum vicario inspiciant, et cognoscant. Et ea quae per ipsum eisdem iniuncta fuerint omnino opere compleant et sequantur. Mandantes cum praesenti gubernatori, administratori, vicarijs, baiulis, armentariis, castellanis, maioribus, caeterisque alijs officialibus, ac subditis nostris Lugudorij, et dicti castri de Bonvehi ac aliorum locorum eidem adherentium praesentibus et futuris, quod concessionem, aggregationem, et applicationem nostram hujusmodi firmam habeant, teneant, et perpetuo observent, et contra non veniant, nec aliquem contravenire permittant quavis causa, et si de nostri confidunt gracia vel amore. In cuius rei testimonium, praesentem fieri iussimus nostrae maiestatis sigillo appendicio communitam. Datum in Castro Calleri, duodecima die augusti, anno a nativitate Domini millesimo, trecentesimo, quinquagesimo quinto. – Subscripsit 8: 7.

Signum † Petri Dei gratia Regis Aragonum, Valenciae, Maioricarum, Sardiniae, et Corsicae, Comitisque Barchinonae, Rossilionis, et Ceritaniae.

Testes sunt. Bernardus de Capraria. Gilabertus de Cintillis. Petrus Dominus de Exica. Iohannes eximi d’Urrea. Petrus Maça.

Signum † mei Ioannis Egidij de Castello, dicti Domini Regis scriptoris, qui ad mandatum ipsius Domini haec scripsi et clausi.

Ioannes Egidij ex capi. provi. P.

Bñ d’Cap. cui per Do. r) fuit commissum.

Vidi team Don R) que eam misit sigillo sui annuli sigillatam.

R) in Sardiniae°

Rsta.