Bernardo arcivescovo di Arborea conferma al monistero di Bonarcanto le donazioni e le largizioni fattegli dal suo fondatore Costantino II, accorda ai monaci le decime, le oblazioni e le primizie spettanti alle chiese donate, e la facoltà di amministrarvi i sagramenti, eccettuato il battesimo, che dovrebbe sempre conferirsi nella chiesa di S. Agostino di Austis, proibisce la erezione di nuove chiese et oratorii nelle parrocchie dipendenti dai donatarii, ed impone ai monaci l’obbligo di riconoscere il suddetto Costantino II e suoi successori per patroni del monistero medesimo, e di eleggere col loro consentimento i priori che dovrebbero governarlo.
(1211, 20 ottobre (1)).
Dal Mittarelli e Costadoni, Annal. Camald. Append. al tom. IV. col. 239-240.
In nomine Trini, et Unius Dei, amen. Nos Bernardus Dei gratia ecclesie Arborensis archiepiscopus dilectis in Christo filiis Philippo abbati monasterii Sancti Zenonis in Pisis constituti, et Petro priori monasterii sancti Zenonis a Bonarcanto, eiusque fratribus tam presentibus, quam futuris in perpetuum. Iustis petentium desideriis prompto nos condecet animo assensum prebere, et ea, que pietas exigit, et veritas non relinquit, sic piis et venerabilibus locis concedere debemus, ut nulla in posterum fidelium mentibus queat ambiguitas remanere: eapropter dilecti in Domino filii vestris iustis postulationibus inclinati, licet infrascripta tanto tempore vos et ecclesia vestra quiete et pacifice possideatis, cuius non extat memoria, ne de cetero a nobis et omnibus successoribus nostris vel aliquo ipsorum nostrisve subditis ullo modo molestemini, ecclesiam Sancte Marie de Bonarcanto, monasterium Sancti Zenonis ibidem positum, ecclesiam Sancti Georgii de Calcaria, et ecclesiam Sancti Simeonis de Vegela, et ecclesiam Sancti Petri de Millipicinno, et ecclesiam Sancti Augustini de Haustis, et ecclesiam Sancte Victorie de Monte Sancto, et ecclesiam Sancte Barbare de Turre, et ecclesiam Sancte Corone de Nuvole, in qua iuspatronatus habetis, vobis et ecclesie vestre iamdicte concedimus, et presentis privilegii pagina confirmamus, adiicientes, quod in predictis ecclesiis et parochiis ipsarum decimas, primitias, oblationes, penitentias sanorum et infirmorum, et sepulturas tam masculorum quam feminarum, parvulorum et adultorum, tam ibi degentium, quam advenarum, et omnium rerum et bonorum huiusmodi parochianorum ecclesiarum predictarum omniumque divinorum potestatem in eis libere et absolute habeatis, excepto quod in nulla supradictarum ecclesiarum sollemne baptisma habeatis, preterquam in ecclesia Sancti Augustini de Austi. Statuentes omnino, ut nulli persone liceat in parochiis predictarum ecclesiarum oratorium aliquod erigere seu ecclesiam fabricare, nisi de licentia vestra, vel successorum vestrorum, nec alicui persone vel loco fas sit suprascripta omnia vel aliquid unum istorum infringere, diminuere vel in aliquo violare. Si quis autem clericus vel laicus hanc nostre concessionis paginam infringere vel rumpere sive diminuere temptaverit, indignationem Dei omnipotentis et beate Marie semper virginis se noverit incursurum, excommunicationis vinculo innodatum, et ad perpetuam huius nostri privilegii firmitatem volumus illud nostri sigilli impressione signari atque firmari, et ita tali ordine hec omnia Bonalbergium iudicem et notarium domini imperatoris scribere rogavi.
Datum Pisis in ballatorio domus claustri ecclesie sancte Viviane, presentibus domno Bernardo monacho sancti Zenonis, Rosselmino aurefice quondam Bernardi, et Guilielmo aurifice filio Guilielmi aurificis testibus ad hec rogatis. Dominice vero incarnationis anno millesimo ducentesimo indictione quartadecima tertiodecimo kalendas novembris.
Ego Bernardus Arborensis archiepiscopus propria manu subscripsi, et aliis subscribendum consensi.
Ego Bonalbergius Ventrilis quondam filius, domini imperatoris Romanorum iudex et notarius hanc cartam mandato scilicet domini archiepiscopi Arborensis scripsi, firmavi, complevi et feci…complevi. Notum sit omnibus dicto fratres habere potestatem eligendi prepositum, cum hac tamen reservatione, ut prior electus a fratribus Pisis cognoscat dominum iudicem Constantinum, et successores suos legitimos pro patronis sancte Marie de Bonarcanto, sic ut prepositus sit de consensu et voluntate eius et successorum suorum, in quorum fidem ego Bonalbergius Ventrilis quondam filius hanc cartam subscripsi.
NOTE
(1) Per la data del presente atto ved. sopr. la nota (1) al diploma N° XXVI di Costantino II Giudice di Arborea.