Li suddetti Girardo abate di Telieto, e Galgano abate di S. Galgano ingiungono ai Pisani e Genovesi di far tregua fra loro, di osservarla fino al dì di Ognissanti del 1208, e di pubblicarla nella prossima Pasqua in tutti i luoghi di loro giurisdizione, e nei quali dimorassero cittadini di Pisa e di Genova, si fanno promettere le guarentigie che stimeranno perciò necessarie, e assegnano ai medesimi il giorno 25 di luglio di quell’istesso anno per comparire alla loro presenza in persona dei loro Consoli e Podestà nel castello d’Ilice, o in quell’altro luogo, che sarà da essi indicato con lettere autentiche.
(1208, 19 marzo).
Dai Regii Archivi di Corte di Torino, Genov. Docum. ant. mazz. 2. N° 4.
In nomine domini nostri Ihesu Christi amen. Nos dei gratia Girardus abbas de Tilieto et Galganus abbas Sancti Galgani licet immeriti in concordia precipimus vobis consulibus Ianuensibus Wilielmo Embriaco et Wilielmo Denigro tam pro vobis quam pro sociis vestris et pro comuni civitatis vestre sub debito sacramenti ut detis nobis et consignetis tenutam et custodiam castri bonifatii quandocumque fueritis a nobis requisiti usque ad kalendas madii proximas venientes vel nunciis nostris quos et quando in concordia designabimus vobis. Item precipimus vobis consulibus Ianuensibus et domino Matheo potestati Pisanorum similiter sub debito iuramenti tam pro vobis quam pro comunibus utriusque civitatis treguam firmam usque ad festum omnium sanctorum et ut eam fatiatis inviolabiliter observari ab omnibus hominibus vestris in terra et mari ubicumque sint bona fine et sine fraude et predictam treguam precipimus observari vobis et amicis vestris quos denunciabimus vobis per nos vel per litteras nostras sigillatas sigillis utriusque et quod nuncios vestros mittatis usque ad proximum octavum diem pasce per provincias et regiones quas vobis designabimus ubi cognoscatis esse Pisanos et Ianuenses denunciando eis et districte iniungendo ut sint in pace et nullam sibi offensionem faciant in personis vel rebus immo ubicumque inventi fuerint Pisani, et Ianuenses se salvent et conservent. Item vobis Pisanis et Ianuensibus precipimus ut duo milia Sacramentales s. utraque pars nobis detis quando ambo requisiti fueritis vel ab altero nostrum cum litteris sigillatis sigillis amborum nostrorum de melioribus hominibus vestris sicut ambo requisiti fueritis usque ad kalendas iulii proximas. Item vobis Pisanis et Ianuensibus precipimus ut in festo proximo beati Iacobi quod est in mense iulii ante nos apud Ilicem conveniatis vel antea et in eo loco ubi et quando per litteras nostras significaverimus vobis et hoc precipimus salvis semper omnibus aliis preceptis et ordinationibus nostris in omnibus et per omnia. Testes interfuerunt presentes Nicolaus Aurie. Wilielmus Barcha. Symon Busterius. Symon de Camilla. Ubertus de Novaria. Bonifatius de Guidone. Symon de Bonothoma. Wilielmus de Orto. Otto Uilielmi Denigro. Girardus Cortevechie. Ventrilius Ildeprandi Ventrilii. Ugitio de Copesone. Frangipane vicecomes. Ferrans paneporri. Rabitus Guidonis tedicii. Ugogroti. Manfredus grossus. Isachus Balbi pisani. Gualterius Lunensis episcopus. Bonifatius de Vallechia. Ventre de Corvaria. Parentus de Corvaria. Ubaldus quondam parentis. Bernardinus de Ciberia. Orlandus de Paganello Deporcari. Gerardus et Ildeprandus vice domini et alii. Actum apud Ilicem millesimo ducentesimo octavo. ind. II. XIIII kalendas aprilis. S. die mercurii.
Ego Vassallus notarius precepto dictorum abbatum veluti prelegi scripsi.