Riccomo Bolgarini curatore del conte Matteo del già conte Ugolino di Donoratico fa l’inventario dei beni spettanti al detto minore, fra i quali sono pure notati quelli, ch’esistevano in Sardegna.
(1292, 30 agosto).
Dai Regii Archivi di Corte di Torino. Docum. ant., mazz. 6, N° 10.
In nomine Domini amen. Tenore huius pateat omnibus evidenter, quod dominus Riccomus Bolgarini curator constitutus Matheo filio quondam bone memorie domini comitis Ugolini de Donoratico, et domini tertie partis regni Kallaritani, ut de cura continetur publice scripture manu Guillelmi Maginchi notarii. Volens secundum tenorem legum inventarium facere de bonis dicti minoris, in presentia, decreto, et auctoritate domini Guillelmi de Oldoynis potestatis Lucanensis presentis, ac decretum, et auctoritatem suam, causa cognita interponentis, premisso prius ab ipso curatore manu propria venerabili signo crucis: †: adhibitis, et convocatis testibus infrascriptis, et viris bone oppinionis, et idoneam substantiam possidentibus, ac fide dignis, et dictos curatorem et Matheum cognoscentibus, ac nullius fraudis, vel malitie circa hec adhibite consciis, adhibitis quoque publicis personis, videlicet Villano Panichi, Salimbene Guidi, Bartholomeo Pauli, et Thomaso Orlandi Leonis tabelionibus publicis, predicto curatore, ac iussu ipsius se se subscribentibus, omni fraude, et malignitate remota, dictum inventarium de bonis dicti minoris fecit in hunc modum, videlicet quia dixit in eius bonis invenisse terciam partem castri de Donnoratico, et tertiam partem castri de Bolgari, et tertiam partem montis Scudarii, et tertiam partem iuris, quod habebat dictus quondam comes Ugolinus in Calcinaria, et podere, quod dicitur Opethingorum, et nonam partem regni Kallaritani (1); et tertiam partem poderis de Septimo et Palacii, et turris que sunt in civitate Pisana; et tertiam partem poderis de Campo, cum eorum, et cuiusque predictorum iuribus et pertinentiis, que fuerunt quondam domini Ugolini comitis predicti, protestando quod predicta non sint sibi curatori, vel dicto minori Matheo preiudicium si res aliter se haberent; aut si ita predicta non essent; et quod si qua alia in bonis, et iuribus dicti minoris inveniret huic inventario addi faciet suo loco, et tempore. Actum Luce in palatio Sancti Michaëlis in foro, ubi tenentur consilia Lucani communis, presentibus dominis Lambertuccio Baldiccionis milite, et Nicolao Maconis iudice, et dominis Maghinardo Lazani, et Gerardino Simonetti testibus ad hec qui sic adserverunt ut supra. Anno nativitatis Domini millesimo ducentesimo nonagesimo secundo, indictione quinta, die trigesimo mensis augusti.
Ego Guido Ritoldi notarius de Calcinaria quondam filius imperialis aule notarius predictis omnibus interfui, et hanc inde cartam scribere rogatus scripsi, et firmavi, et in publicam formam redegi.
Thomasus quondam Orlandi Leonis de Luca iudex, et notarius publicus imperiali auctoritate super dicto inventario adhibitus a curatore predicto una cum suprascripto Guido, et aliis infrascriptis presens fui predicte inventarii confectioni pro curatore predicto, et huic inventario pro dicto curatore me subscripsi.
Ego Bartholomeus Pauli de Bozano civis Lucanensis imperiali auctoritate iudex ordinarius, et notarius publicus suprascripto inventario adhibitus a curatore predicto una cum suprascriptis Guido et Thomasio, et aliis infrascriptis presens fui predicte inventarii confectioni pro curatore predicto, et huic inventario pro dicto curatore me subscripsi.
Villanu Panichi imperialis aule iudex ordinarius, et notarius publicus supradicto inventario adhibitus a curatore predicto una cum suprascriptis Guido, Thomasio, et Bartholomeo, et infrascriptis presens fui predicte inventarii confectioni pro curatore predicto, et huic inventario pro dicto curatore me subscripsi.
Ego Salimbene Guidi imperiali auctoritate iudex, et notarius supradicto inventario cum dicto Guidone scribente, et Thomasio et Bartholomeo, et Villano tabellionibus a suprascripto curatore adhibitus presens interfui predicte inventarii confectioni pro curatore predicto, et huic inventario pro dicto curatore me subscripsi.
NOTE
(1) Cioè il terzo della terza parte di detto regno spettante al conte Ugolino di lui padre. Gli altri due terzi spettavano ai suoi fratelli e coeredi conte Guelfo, e conte Lotto.