Tregua fatta fra il comune di Genova e il comune di Sassari da una parte, e Chiano, o Giovanni giudice di Arborea dall’altra, col seguito delle rispettive procure e ratifiche delle parti contraenti.

(1299 [1300 stil. pis.], 31 luglio).

Dai Regii Archivi di Corte di Torino, Lib. Iurium, pag. 190 e seg.

In nomine Patris et filii et Spiritus Sancti amen. Discretus vir Loysius Calvus cancellarius sindicus et procurator comunis Ianue de cuius sindicatu et procuratione apparet per instrumentum scriptum manu Bartolomei Piedebo notarii et cancellarii comunis Ianue dei XXIIII. presentis mensis et cuius… (1) procuratorio nomine pro ipso comuni Ianue et nomine et vice comunis et universitatis ville de Sassaro et pro dicta universitate et villa de Sassaro pro qua nomine comunis Ianue promittit de rato ex una parte, et nobilis vir Iohannes de Panevinis de Cremona miles et iurisperitus et prudens vir Guido de Vada iurisperitus civis Pisanus procuratores magnifici viri domini Iohannis vic. (vicecomitis) de Basso et Dei gratia iudicis Arboree sindicatus et procuratorio nomine pro ipso domino iudice Arboree de quorum sindicatu et procuratione apparet per instrumentum scriptum manu Nicolai quondam Alamanni Rubei de Pisis notarii dominice incarnationis anno millesimo trecentesimo ipso die kalendarum iulii et cuius sindicatus et procurationis tenor inferius continetur ex altera eo modo et nomine ut dictum est inter se ad invicem faciunt et ineunt treuguam et concordiam duraturam tam pro tempore ipsius treugue quam contramandi usque ad illud tempus quo treugua hodie facta et inita inter comunia Ianue et Pisarum durabit seu durare debebit inter ipsa comunia de omnibus et singulis guerris offensionibus iniuriis dannis et guastis incendiis et robbariis depredationibus furtis homicidiis et similibus datis factis et illatis hinc inde seu que facta vel facte illata vel illate dici possent promittentes sibi ad invicem dicte partes modo et nominibus supradictis quod durante tempore treugue et contramandi predicti predicta comunia et utrumque eorum et predictus D. Iohannes iudex Arboree nullam inter se in personis vel rebus in mari vel in terra molestiam iacturam vel rapinam invasionem vel damnum aliquod inferent vel dabunt aut inferri vel dari facient nec unum aut unus alterum offendet vel offendi faciet modo aliquo vel ingenio sub pena et obligatione infrascripta. quam treuguam et omnia suprascripta et singula dicti sindici modo et nominibus supradictis eorum et cuiusquam eorum iuramento corporaliter prestito in animabus dictorum et cuiusquam ipsorum comunium et dicti domini iudicis firmant. Insuper ex conventione habita inter suprascriptum discretum virum Loisium Calvum sindicum dicti comunis Ianue sindicatus nomine pro dicto comuni Ianue ex una parte et dictos nobilem virum Iohannem de Panevinis et prudentem virum Guidonem de Vada sindicos et procuratores dicti domini Iohannis iudicis Arboree sindicatus et procuratorio nomine pro dicto domino Iohanne iudice Arboree ex altera parte dicti sindici et procuratores dicti domini Iohannis iudicis Arboree sindicatus et procuratorio nomine pro ipso domino iudice Arboree dictam treuguam factam et initam hodie inter dicta comunia Ianue et Pisarum acceptant et ratificant et ipsi consentiunt et acquiescunt. Et nichilominus ex pacto inter predictum sindicum comunis Ianue et dictos sindicos et procuratores dicti domini iudicis Arboree modo et nominibus supradictis dicti sindici et procuratores dicti domini iudicis sindicatus et procuratorio nomine dant cedunt atque mandant supradicto sindico comunis Ianue agenti stipulanti et recipienti pro ipso comuni Ianue et in eum dicto nomine transferunt omnia iura actiones et raciones que et quas habet et habere potest vel habere poterit seu posset ipse dominus iudex Arboree in villa Sassari et in Romagna et in toto territorio Sassari et Romagne et in omnibus hiis que tenet et possidet dictum comune de Sassaro in toto iudicatu turritano qualiscumque et qualiacumque sint predictum sindicum comunis Ianue sindicatus nomine pro dicto comuni Ianue et ipsum comune Ianue facientes et constituentes in predictis procuratores ut in rem dicti comunis Ianue ita quod dictus sindicus comunis Ianue sindicatus nomine pro dicto comuni Ianue et ipsum comune Ianue et ille et illi cui et quibus dictum comune Ianue dicta iura dederit cesserit atque decreverit dictis iuribus possint et possit agere experiri et cansari et se defendere et tueri contra omnem personam et locum quemadmodum ipse dominus iudex posset vel unquam potuit. Item ex conventione habita inter predictum sindicum comunis Ianue pro ipso comuni Ianue et nomine et vice comunis de Sassaro pro quo dicto nomine promittit de rato et inter predictos sindicos et procuratores dicti domini Iohannis predicti sindici et procuratores dicti domini iudicis sindicatus et procuratorio nomine pro supradicto domino Iohanne liberant et absolvunt supradictum sindicum comunis Ianue et me infrascriptum notarium tamquam pubblicam personam recipientem nomine et vice comunis de Sassaro et pro ipso comuni et per eum et me dictum notarium ipsum comune et homines ipsius comunis de Sassaro generaliter specialiter et particulariter ab omnibus promissionibus pactis et obligationibus que et quas actenus fecisset dictum comune de Sassaro seu aliqua vel alique persone pro ipso comuni vel obligatum reperiretur iudici arborensi vel alii persone pro eo ex quocumque contractu vel quasi delicto vel quasi obligatione pura condicionali in diem vel penali cum scripto vel sine scripto et de omni alia pena in qua comune Sassari inciderit seu incidisse diceretur vel dicitur versus iudicem Arboree ipsis obbligationibus promissionibus et predictis penis et cuique eorum et omni iuri competenti domino iudici et competituro ex predictis obligationibus promissionibus et penis vel aliqua ex eis renunciantes dicto nomine expresse. Ita quod dictus dominus iudex vel sui heredes numquam possit vel possint dictum comune Sassari nec et comune Ianue nec homines ipsorum comunium vel alicuius eorum aut singulares personas ipsius comunis Sassari inde de cetero imbrigare inquietare vel molestare, imbrigari inquietari vel molestari facere de iure vel de facto in personis vel rebus. Quam supradictam treuguam que fit inter supradictum sindicum dicti comunis Ianue nomine dicti comunis Ianue et nomine et vice comunis et ville Sassari promittit dicto nomine de rato et dictos sindicos et procuratores dicti domini Iohannis iudicis Arboreae et quam supradictam cessionem liberationem et absolutionem et omnia et singula promissa et conventata in dictis treugua cessione et liberatione et pro eis et qualibet earum superius declarata dictus sindicus dicti comunis dictis nominibus et dicti sindici et procuratores dicti domini Iohannis iudicis Arboree modo et nominibus supradictis sibi ipsis ad invicem stipulantibus sollemniter interposita promittunt et conveniunt habere et tenere firmam firmas et firma ratam ratas et rata prout supra conventa et promissa sunt. Et contra ea vel aliquid eorum non facere vel venire per se vel per alium ullo unquam tempore. Quod si predictam et predictorum singula non fecerint et non observaverint aut si facta et observata non fuerint promittunt per eandem stipulationem sibi ipsis ad invicem dicti sindici modo et nominibus supradictis penam vigintimilium marcharum boni argenti que detur et solvatur a parte fidem non servante parti fidem servanti et que pena totiens peti et exigi possit cum effectu per partem observantem a parte non observante quociens contrafactum fuerit. vel ut supra non observatum et sub obbligatione bonorum dictorum comunis Ianue et comunis seu ville de Sassaro et dicti domini iudicis Arboree. Insuper dictus sindicus comunis Ianue nomine ipsius comunis promittit predictis sindicis dicti domini iudicis Arboree recipientibus nomine ipsius domini iudicis et pro eo cum sic inter eos dicto nomine convenerit se factururm et curaturum dicto nomine et quod dictum comune Ianue ita faciet et curabit quod comune et universitas ville de Sassaro seu legittima persona pro eo ratificabit et approbabit predicta omnia et singula in pubblico instrumento inde conficiendo usque menses quinque proximos et se sollemniter obligabit versus personam publicam recipientem nomine dicti iudicis Arboree in cum modum in quem dictus sindicus comunis Ianue promisit ut supra pro ipso comuni universitatis et ville de Sassaro et sub eisdem penis sacramento et renunciationibus et hypothecis et aliis solemniter prout supra continetur quod instrumentum presentari debeat dicto domino iudici vel eius certo nuncio usque menses quinque proximos. Acto quod si dictum comune universitatis et ville de Sassaro predictam ratificationem non faceret usque ad dictum terminum predicta vel aliquod predictorum non extendantur ad ipsos Sassarienses nec comune Ianue propterea sit vel esse intelligatur obligatum pro eis ipsi domino iudici nec ipse dominus iudex comuni Ianue. Acto etiam quod facta et presentata dicta ratificatione ut supra comune Ianue de hiis omnibus et singulis que dictus sindicus comunis Ianue nomine dicto universitatis ville de Sassaro promisit et fecit ut supra liberatum sit et intelligatur ita quod propterea non possit nec debeat molestari. Et acto etiam quod dictus dominus iudex debeat predicta omnia et singula ratificasse et approbasse ac etiam confirmasse iuramento in publico instrumento inde conficiendo usque in menses quinque proximos quod instrumentum presentetur comuni Ianue usque dictum tempus quinque mensium. Actum Ianue in palatio comunis in quo habitat dominus potestas Ianue anno dominice incarnationis millesimo trecentesimo indictione duodecima pridie kalendas augusti secundum cursum et consuetudinem Pisanorum presentibus testibus domino Petro Dei gratia episcopo Gisarclensi, fratre Henrico Batifolio, fratre Ursone de Alba, fratre Facino de Cherio ordinis fratrum predicatorum, fratre Nicolao de Casali, fratre Francisco Porcello, et fratre Gulielmo de Saona ordinis fratrum  minorum. Benedicto de Fontanegio. Lanfrancho de Vallario cancellarii dicti comunis Ianue. et Martino de Leone notario. Tenor autem dictorum sindicatuum sequitur in hec verba.

In nomine Domini amen. Domini Albertus de porta laudensi miles potestas. Conradus Spinula. et Lamba Aurie capitanei comunis et populi Ianuensis in presentia et voluntate domini Nicolai Ferrarii abbatis dicti populi et octo consiliariorum dictorum dominorum capitaneorum ac etiam ancianorum ac consiliariorum consilii generalis ad consilium cornu et campana more solito vocatorum et congregatorum nec non et ipsi abbas et octo consiliarii anciani et consiliarii consilii generalis auctoritate et de consensu dictorum dominorum potestatis capitaneorum nomine et vice comunis Ianue et pro ipso comuni faciunt constituunt et ordinant eorum dicto nomine et dicti comunis actorem sindicum et procuratorem providum et discretum virum Loysium Calvum notarium et cancellarium ipsius comunis ad faciendum et ineundum treuguam et concordiam cum comuni pisano seu sindico vel sindicis pisani comunis et cum magnifico viro domino Iohanne vicecomite de Basso et Dei gratia iudice Arboree seu cum eius procuratore et sindico vel procuratoribus et sindicis tam nomine et pro parte comunis Ianue quam etiam nomine et vice comunis Sassari super omnibus et de omnibus et singulis guerris offensionibus iniuriis dannis guastis incendiis robbariis depredationibus furtis homicidiis et similibus factis datis et receptis hinc inde usque ad illud tempus et sub illis pactis modis et conditionibus promissionibus et obligationibus penis et hypothecis de quo et de quibus et prout eidem Loysio videbitur et placuerit. Et ad firmandum predicta etiam iuramento. Et ad faciendum propterea et recipiendum omnes promissiones et obligationes penales et ypothecas et pacta de quibus et prout eidem videbitur et placuerit. Et demum ad omnia et singula faciendum in predictis et circa predicta que eidem fieri videbuntur et que  ipsum comune Ianue facere posset etiam  si in eis vel eorum aliquo speciale requireretur mandatum quod pro expresso ex nunc habeatur in omnibus illis casibus in quibus requiritur. Dantes et concedentes dicto nomine dicto Loysio in predictis omnibus et singulis generalem et liberam administrationem promittentes dicto nomine Bartholomeo notario suprascripto tamquam publice persone recipienti officio pubblico et nomine et vice cuiuscumque interest vel intererit seu interesse posset habere et tenere et quod dictum comune Ianue habebit et tenebit rata et firma ea omnia et singula que per dictum Loisium facta gesta seu procurata vel administrata vel promissa fuerint in predictis vel circa predicta sub ypotheca et obligatione bonorum dicti comunis Ianue. Nomina vero dictorum octo consiliariorum ancianorum et consiliariorum consilii generalis scripta sunt in libro sive cartulario consiliariorum anni presentis dicti comunis Ianue. Actum Ianue in palacio dicti comunis Ianue in quo habitat dominus potestas Ianue anno dominice nativitatis millesimo ducentesimo nonagesimo nono indictione undecima secundum consuetudinem ianuensem die vigesima quarta iulii post nonam presentibus testibus Lanfranco de Vallario cancellario dicti comunis Ianue. Henrico de Savignono notario. et Petro Caxola notario.

Item in Dei nomine amen. Universis pateat per presens pubblicum instrumentum quod magnificus et potens vir dominus Iohannes vicecomes de Basso et Dei gratia iudex Arboree fecit constituit et ordinavit nobiles et sapientes viros dominos Guidonem de Vada iurisperitum civem pisanum presentem et suscipientem et Iohannem de Panevinis de Cremona licet absentem et quemlibet corum in solidum ita quod occupantis vel occupantium non sit melior conditio et quod unus inceperit alter nihilominus prosequatur et finiat suos sindicos procuratores et certos nuncios ad componendum faciendum iniendum et iurandum treuguam cum comuni Ianue et cum comuni Sassari seu cum sindico aut sindicis dictorum comunium et cuiusquam eorum in termino seu terminis de quibus ipsis sindicis et cuique videbitur et placebit. Et ad faciendum et recipiendum propterea pacta conventiones promissiones obligationes penales et alias liberationes absolutiones fines et refutationes et cessiones de quibus et sicut dictis sindicis et cuique eorum videbitur et placebit et ad consentiendum treugue et ratificandum treuguam quam comune pisanum iniet et faciet cum comuni Ianue et cum comuni Sassari et ad obligandum pro predictis omnibus et singulis dictum iudicem et eius heredes et bona. Et ad cartam et cartas de predictis omnibus et singulis faciendum et fieri faciendum et recipiendum et generaliter ad omnia et singula alia faciendum gerendum et tractandum que ad predicta et circa predicta et quodlibet predictorum et eorum occasione spectant et spectare videbuntur. Et sine quibus predicta et quodlibet predictorum cum effectu fieri finiri et expediri non possent. Dans et concedens ipsis sindicis et procuratoribus et cuilibet eorum in solidum in predictis et circa predicta et quodlibet eorum plenum liberum et generale mandatum et plenam liberam et generalem administrationem promittens michi Nicolao notario infrascripto agenti stipulanti et recipienti pro omnibus quorum interest et intererit aut interesse posset se semper et omni tempore habere firmum et tenere ratum totum et quidquid dicti sindici et procuratores et quilibet eorum sindicatus et procurationis officio fecerint et statuerint seu fecerit et statuerit de predictis et quolibet vel aliquo predictorum. Et contra non venire vel facere per se vel per alium de iure vel de facto aliquo modo vel ingenio sub ypotheca et obligatione omnium bonorum suorum suorumque heredum. Et taliter dictus magnificus vir me Nicolaum notarium et Guidonem Turchum notarium qui de predictis similiter cartam fecit scribere rogavit. Actum in villa Laconi iudicatus Arboree in horto palacii curie dicte ville presentibus dominis Marzuccho de Lanfranchis quondam domini Mathei. et Gerardo Rafaldo iudice filio Bindi Rafaldi testibus ad haec rogatis dominice incarnationis anno millesimo trecentesimo indictione duodecima ipso die kalendarum iulii.

Ego Iohannes filius quondam Moriconis notarii de Asciano imperiali auctoritate iudex ordinarius et notarius transmissus per comune Pisarum cum ambaxatoribus et sindicis pisani comunis et dicti domini iudicis Arboree predictis omnibus interfui et rogatus hanc cartam scripsi et firmavi.

Ratificatio de predictis facta per comune Ianue.

In nomine Patris et Filii et Spiritus Sancti amen. Domini Albertus de porta Laudensi miles potestas. Conradus Spinula. Lamba Aurie capitanei comunis et populi Ianuensis in presentia et voluntate domini Nicolai Ferrarii abbatis dicti populi et octo consiliariorum suorum ac eciam ancianorum et consiliariorum consilii generalis ad consilium cornu et campana more solito vocatorum et congregatorum nec non et ipsi abbas et octo consiliarii anciani et consiliarii consilii generalis auctoritate et consensu dictorum dominorum potestatis et capitanei nomine et vice comunis Ianue et pro ipso comuni volentes attendere et observare ea que promissa sunt per providum et discretum virum Loysium Calvum cancellarium et sindicum comunis Ianue nomine ipsius comunis sindicis magnifici viri domini Iohannis vicecomitis de Basso et Dei gratia iudicis Arboree in treugua inita inter ipsum sindicum comunis Ianue et dictos sindicos dicti domini iudicis Arboree de qua est instrumentum scriptum presenti die manu Bartholomei Pedebo notarii suprascripti et mei Iohannis Moriconis notarii infrascripti ratificant et approbant et confirmant ipsam treuguam et ea omnia que in ipso instrumento continentur. Et promittunt et se nomine dicti comunis Ianue et dictum comune obligant dictis sindicis dicti domini iudicis Arboree cum renunciationibus cautelis et ypothecis et penis ad ea omnia et singula et sicut de quibus et prout in dicto instrumento fit mencio mandantes dicto nomine et iniungentes Rafeto cintraco dicti comunis Ianue quod iuret in animam dicti comunis et omnium singulorum de ipso comuni attendere et observare in omnibus et per omnia prout in dicto instrumento continetur. Qui Rafetus in continenti recepto dicto mandato iuravit ad sancta Dei Evangelia tangendo corporaliter scripturas in animam dicti comunis Ianue et omnium et singulorum de ipso comuni attendere et observare bona fide et sine fraude in omnibus et per omnia prout in dicto instrumento continetur. Et ut semper de predictis possit ubique fieri plena fides voluerunt inde fieri unum et plura publica instrumenta. Actum Ianue in palatio comunis Ianue in quo habitat dominus potestas dominice incarnationis anno millesimo trecentesimo indictione duodecima pridie kalendas augusti secundum cursum et consuetudinem Pisanorum presentibus testibus ad hec rogatis domino Petro Dei gratia episcopo Gisarclensi. fratre Henrico Batifolio. fratre Ursone de Alba. fratre Facino de Cherio ordinis fratrum predicatorum. fratre Nicolao de Casali. fratre Francisco Porcello. et fratre Gulielmo ordinis fratrum minorum. Benedicto de Fontanegio. Lanfranco de Vallario cancellariis dicti comunis Ianue. et Martino de Leone notario.

Ego Iohannes filius quondam Moriconis notarii de Asciano suprascriptus imperiali auctoritate iudex ordinarius atque notarius predictis omnibus interfui et rogatus hanc cartam scripsi et firmavi.

Ego Rollandinus de Ricardo sacri palatii notarius hoc instrumentum extraxi et exemplavi ex autenticis instrumentis scriptis in eodem pergameno manu suprascripti Iohannis Moriconis notarii sicut in eis vidi et legi nichil addito vel diminuto nisi forte littera vel sillaba titulo seu puncto abbreviationis causa sententia non mutata de mandato tamen domini Danii de Osenaygo civitatis Ianue potestatis presentibus testibus Iohanne Bonihominis Loisio Calvo cancellariis comunis Ianue et Iac. de Albario notariis millesimo tercentesimo primo. Indictione decimatertia die vigesima iunii.

Ratificatio de predictis facta per Iudicem Arboree (2).

In Christi nomine amen. Anno esiudem ab incarnatione millesimo trecentesimo indictione terciadecima tertio kalendas ianuarii appareat omnibus evidenter quod Gantinus Carbonus (3) notarius de Sassaro sindicus et legitimus procurator comunis et universitatis terre de Sassaro ad infrascripta omnia et singula facienda et alia ut constat de ipso officio sindicatus et procurationis per cartam pubblicam a Salveto Bonaiunte et notario olim comunis Sassari scriptam sub annis Domini a nativitate eiusdem millesimo ducentesimo octuagesimo nono indictione decimatertia die vigesima decembris a me Matheo notario infrascripto visam et lectam sindicatus et procurationis nomine universitatis et terre de Sassaro in presentia mei Mathei notarii infrascripti et testium subscriptorum obtulit et presentavit magnifico viro domino Iohanni vicecomite de Basso et Dei gratia iudici Arboree instrumentum publicum tenoris et continentie infrascripte. In nomine Domini amen. Discretus vir Gantinus Carbonus (4) burgensis Sassari sindicus et procurator comunis et universitatis hominum terre de Sassaro concorditer hodie electus a maiori consilio dicte terre sonu campane et voce preconis more solito congregato de cuius sindicatu et procuratione apparet per publicum instrumentum factum manu mei notarii infrascripti hodie nomine et vice comunis et universitatis dicte terre de Sassaro ratificavit approbavit acceptavit confirmavit et ratam et firmam habuit treuguam initam et firmatam inter Lodisium Calvum cancellarium sindicum et procuratorem comunis Ianue nomine et vice comunis et universitatis dicte terre de Sassaro pro qua promiserat de rato ex una parte et nobiles viros dominos Iohannem de Panevinis de Cremona militem et Guidonem de Vada iurisperitos sindicos et procuratores magnifici viri domini Iohannis vicecomitis de Basso et Dei gratia iudicis Arboree ex altera de cuius treugue compositione apparet per pubblicum instrumentum scriptum manu Bartholomei Pedebo notarii et cancellarii comunis Ianue promittens nomine et vice comunis et universitatis hominum dicte terre de Sassaro in Salveto Bonaiunte notario infrascripto tamquam publice persone stipulanti et recipienti nomine et vice dicti domini iudicis Arboree dictam treuguam et omnia et singula que acta sunt circa compositionem dicte treugue inter predictos sindicos et procuratores hinc inde habere rata et firma nomine ipsius comunis et universitatis dicte terre et non contrafacere vel venire de iure vel de facto sub ypotheca et obligatione contenta in compositione dicte treugue prout in ipso instrumento continetur cum renunciationibus cautelis et ypothecis et penis in eodem instrumento contentis et ad maiorem roboris firmitatem dictus sindicus et procurator in animabus omnium dicte terre de Sassaro iuravit tactis sacrosanctis evangeliis omnia et singula supradicta attendere et observare et non contrafacere vel venire in omnibus et per omnia prout in predicto instrumento compositionis prenominate treugue continetur obligando dictum comune et bona ipsius comunis michi infrascripto notario stipulanti et recipienti nomine et vice dicti domini iudicis Arboree pro predictis omnibus et singulis attendendis et observandis bona fide et sine fraude. Et taliter me notarium infrascriptum dictus sindicus scribere rogavit. Actum Sassari sub logia comunis anno Domini a nativitate millesimo ducentesimo nonagesimo nono indictione XIII. die XX decembris presentibus Nicolao Bonihominis cive Ianue. Matheo Caseo notario. et Guillelmo Trumbita nuncio comunis Sassari.

Ego Salvetus Bonaiunte notarius comunis Sassari pro felici comuni Ianue presentibus interfui et ut supra rogatus scripsi. Quod quidem instrumentum publicum dictus dominus iudex recepit et dixit bene placet nobis et eundem dedit domino Mariano Mameli canonico et dixit ei custodiatis eum. Actum in Arestano in caminata inferiori palatii dicti domini iudicis apud scallas palatii magni presentibus predicto domino Mariano Mameli canonico Sancte Marie de Arestano. Thomaso Guerre de Napoli notario dicti iudicis. Magistro Nicolao cirorgico de Arestano. et aliis pluribus testibus ad hec vocatis et rogatis.

Ego Matheus Caseus filius Inghirami habitatoris Sassari auctoritate imperiali notarius et iudex ordinarius predicte presentationi interfui et rogatus a dicto sindico et procuratore Sassari scripsi et in formam publicam redegi.

Ego Rolladinus de Richardo sacri palatii notarius hoc instrumentum extraxi et exemplavi ex autentico instrumento scripto manu prescripti Mathei Casei notarii sicut in eo vidi et legi nihil addito vel diminuto nisi forte littera vel sillaba titulo seu puncto abreviationis causa sententia non mutata de mandato tamen domini Danii de Osenaygo civitatis Ianue potestatis presentibus testibus Iohanne Bonihominis. Loisio Calvo cancellariis comunis Ianue. et Iacobo de Albario notario millesimo CCC primo indictione XIII. die 20 iunii.

NOTE

(1) tenor inferius continetur. Queste, o somiglianti sono le parole mancanti nell’originale.

(2) È questo un errore dello scrittore della rubrica, giacchè la ratifica è fatta dal comune di Sassari, per mezzo del suo procuratore Guantino Catoni.

(3) Legg. Cathonus.

(4) Cathonus.