Corrado II, detto Corradino, re di Sicilia concede molti privilegi ai Pisani, compresi quelli fra essi che dimoravano nell’isola di Sardegna.

(1268 [1269 stil. pis.] 14 giugno).

Dai Scelt. Dipl. Pisani del Dal-Borgo, pag. 201 e seg.

Corradus Secundus Dei gratia Ierusalem, et Sicilie Rex, et Dux Svevie ad perpetuam rei memoriam.

Decet Regalem Excellentiam votis omnium, ac petitionibus suorum fidelium clementer annuere, illorum precipue, quorum fides, et devotio circa sublimationem regni nostri, et nostram sic liquido resplenderent, quod ipsorum preclara, et indefessa servitia pre sui magnitudine aliis immitanda proponuntur, et ex beneficiorum gratuita collatione ita gratanter respondere, quod huius nostre concessionis exemplo minus fidelium animos ad serviendum fideliter Maiestati nostre alacrius provocemus.

Noverit igitur presens etas, et successura posteritas, quod nos Corradus Secundus Dei gratia Ierusalem, et Sicilie Rex, et Dux Svevie ex certa scientia damus, et concedimus vobis Bartolomeo de Soppo Pisarum potestati, et Anselmo de Rivola capitaneo, et antianis Pisani populi recipientibus pro comuni Pisarum, et vice, et nomine ipsius comunis, quod homines civitatis Pisarum, et districtus ipsius, et qui pisano nomine censentur salvi sint, et securi in personis, et rebus, sani, et naufraghi in toto regno, et districtu nostro, et aliis terris nostris; etc…

Et si questio aliqua moveretur contra Pisanum aliquem, seu de Pisano districtu, vel contra aliquem Pisanum Sardinie, Acconis, totius Sirie, seu Constantinopolis, vel totius Romanie, aut contra aliquem, qui Pisano nomine censeretur, aut contra alios, vel alium undecumque essent, qui censerentur vocabulo, seu nomine Pisanorum, aut contra aliquem, qui se diceret Pisanum, vel de vocabulo Pisanorum, vel qui Pisano nomine censeatur, stetur inde fidei consulis Pisanorum ipsius terre, et sui consilii, vel maioris partis eorum dicentium, quod comune Pisanum reputet illum, contra quem huiusmodi questio refereretur, Pisani consulem non haberent, stetur inde fidei, et verbo simplici, ut dictum est, consulum, vel consulis, et sui consilii, vel maioris partis eorum morantium, vel morantis in vicinioribus terris, vel locis. Etc…

Datum Pisis in domo Pisani archiepiscopatus, presentibus illustri viro Frederigo duce Austrie, et Stirie marchione Palatino, Verone comite, Volferado de Verien, Picerna de Pinpurch, Guidone Novello in Tuscia comite Palatino, magistro Frederigo de Mondorf prothonotario, D. Allegro de Plumbino iudice cancellario Pisani comunis, Bartholomeo Musso notario, Leonardo de Calci notario cancellarie Pisani comunis, et Iohanne Preccii, et Ugolino Baudi camerariis Pisani comunis, et aliis pluribus testibus ad hec rogatis. Dominice incarnationis anno millesimo ducentesimo sexagesimo nono, indictione undecima, octavodecimo kalendas iulii secundum cursum Pisanorum.

† Nos Curradus Secundus Dei gratia Ierusalem, et Sicilie Rex, Dux Svevie, suprascripta manu propria confirmamus.

Friderigus Dux Austrie presentibus interfuit et subscripsit.

Uvolferadus Comes de Verieus predictis interfuit, et subscripsit.

Guido Novellus Comes in Tuscia Palatinus vice Reg. predictis interfuit, et subscripsit.

Loco † sigilli appendilis in cera rubea cum siriceo ligamine chermisato.