Lettera di Papa Innocenzo II agli arcivescovi e vescovi di Sardegna, colla quale raccomanda alla loro sorveglianza e protezione le chiese, i monisteri e i beni, che i monaci Cassinesi dell’Ordine di s. Benedetto possedevano in Sardegna.

(…, 6 luglio (1)).

Dal Gattola, Hist. Abbat. Cassin., part. I, pag. 430, col. 2^a, Edit. praed.

Innocentius Episcopus Servus Servorum Dei venerabilibus fratribus archiepiscopips et episcopis per Sardiniam constitutis salutem et apostolicam benedictionem. Ad defensionem rerum Cassinensis monasterii tanto aptiorem nos convenit sollicitudinem exhibere, quanto idem locus cum omnibus ad ipsum pertinentibus ad jus beati Petri specialius noscitur pertinere. Verum quod per praesentiam nostram effectui mancipare non possumus, oportet, ut per fratres nostros archiepiscopos et episcopos adimplere curemus. Cuius rei gratia fraternitati vestrae per apostolica scripta mandando praecipimus, quatenus ecclesias et alia bona, quae B. Benedictus in vestris parochiis habet, pro beati Petri, et nostra reverentia diligere, et manutenere curetis, et contra pravorum hominum molestias defensetis, nullamque eis contrarietatem, vel diminutionem inferatis, aut ab aliis permittatis inferri. Si qui autem eas infestare praesumpserint, plenam de ipsis justitiam faciatis. Praeterea si quis fidelium eisdem venerabilibus locis de rebus suis conferre voluerit, nullatenus prohibere vel contradicere praesumatis. Datum apud S. Germanum II. Nou. Julii.

NOTE

(1) Manca l’indicazione dell’anno, che probabilmente è il 1133.