Bolla di Papa Alessandro III, con la quale sono ricevuti sotto la protezione pontificia i monasteri e le chiese che l’ordine di S. Benedetto di Monte Cassino possedeva in Sardegna.

(1159, 7 novembre).

Dal Gattola, Hist. Cassin., part. I, p. 338-39-40.

Alexander episcopus servus servorum Dei dilecto filio Rainaldo abbati venerabilis monasterii Cassin. B. Benedicti, eiusque successoribus regulariter substituendis in perpetuum. Licet omnium ecclesiarum cura et sollicitudo ex iniuncto nobis a Deo apostolatus officio sollicitudini nostrae immineat, illi tamen, quae specialius ac familiarius ad Romani pontificis ordinationem spectare noscuntur, ampliori nos convenit charitatis studio imminere: eapropter dilecte in Domino filii Raynalde abbas tuis iustis postulationibus gratum impertientes assensum, praefatum Beati Benedicti monasterium, cui, Deo auctore, praesse dinosceris ad exemplar praedecessorum nostrorum fel. mem. Calixti, et Anastasii Romanorum pontificum sub B. Petri et nostra protectione suscipimus, et praesentis scripti privilegio communimus. Statuentes, ut quascumque possessiones, quaecumque bona eadem ecclesia in presentiarum iuste et canonice possidet, aut in futurum concessione  pontificum, largitione regum, liberalitate principum, oblatione fidelium, seu aliis iustis modis cooperante Domino poterit adipisci, firma tibi, tuisque successoribus, et illibata pemaneant. In quibus haec propriis duximus exprimenda vocabulis etc…in Sardiniae insula ecclesiam S. Mariae in Thergo, S. Heliae in Monte Sancto, et S. Helysaei cum omnibus earum pertinentiis, S. Mariae de Sabucco, S. Mariae de Toralbo, S. Mariae de Tanecle, S. Peltri de Trecingle, S. Nycholai, et S. Mariae in Solio cum pertinentiis earum; S. Nycholai de Talasa, S. Michaelis in Ferrucisi, S. Georgii in Ticillo, S. Petri in Simbrano, S. Petri in Nurchi, S. Nicolai de Nugulbi, et S. Iohannis, S. Helye de Setini, et S. Mariae de Flumine Tepido, etc…

Datum apud Ninpham per manum Hermani S. R. E. subdiaconi et notarii VII idus novembris, incarnationis Dominicae anno MCLIX, indictione octava, pontificatus vero domini Alexandri Papae tertii anno primo.