Pietro I, re e giudice di Arborea, rinnova col presente atto le promesse già fatte al comune di Genova con le precedenti convenzioni del 29 maggio 1188 e 7 febbraio 1189 (1).

(1189, 29 maggio).

Dai Regii Archivi di Corte di Torino, Lib. Iur., pag. 98.

In nomine Domini amen. Ego Petrus rex et iudex Arborensis quondam Baresonis regis filius et iudicis Arboree convenio consulatui comunis Ianue pro eodem comuni et civibus ianuensibus quod totum debitum comunis ianuensis et civium ianuensium de placitis ed hoc si fuero receptus pro cive ianuensi per rationem fuerit ostensum me debere persolvere, tali modo persolvam, scilicet dabo annuatim consulibus Ianue aut eorum certis nuntiis vel nuncio medietatem totius introitus, seu recolte, qui vel que spectat ad regnum meum Arboree, et ad peculiare meum quocumque modo fiat, sive per venditionem curatoriarum, armentariarum, maioriarum, piscariarum, kerkitariarum, venationum vel quocumque modo potest excogitari, quod aliquod peccunie recolligam in regno meo Arboree. Et item medietatem istius introitus seu collecte istius nuntio vel nuntiis comunis ianuensis violenter, seu aliquo modo non aufferam ne auferri faciam aut consentiam immo ad medietatem ipsius collecte seus introitus retinendam et non auferendam nuncio vel nuntiis ipsius consilium et ausilium propterea me prestabo. Et dabo in compagnia Ianuensi annuatim libras quinquaginta ianuensis monete de mea medietate quousque totum debitum sive debita soluta fuerint. Quo debito soluto dabo similiter annuatim in eadem compagnia ianuensi libras centum eiusdem ianuensis  monete. Item dabo comuni ianuensi in portu qui dicitur portus Ianuensis qui est in Aristagno tantam terram que large sufficiat ad fabricandas ibi centum butegas cum suis convenientibus curtis. Et si ipsi Ianuenses impetraverint a domino Apostolico ut habeant ecclesiam ibi in illo portu ego dabo eis tantam terram in eodem portu que large suficiat ad fabricandam illam ecclesiam cum cimiterio et cum domibus, et cum curte sacerdotis et clericorum ipsius ecclesie. Et dabo illi ecclesie tantam possessionem unde possit habere victum et vestitum unus sacerdos, cum clerico et serviente uno. Preterea quia volo effici vassallus et civis ianuensis dabo domino archiepiscopo ianuensi talem curiam in terra mea Arboree cum totidem servis et cum tanta possessione qualis illa curia quam habet ibi in Arborea archiepiscopus pisanus. Item si quis civis ianuensis in terra mea Arboree morietur, non habeam aliquam potestatem in suis bonis, nec ex eis aliquid violenter inde auferam, immo habeat bona eius ille cui detestaverit. Et si acciderit quod non conderit testamentum consanguineus vel pro nomen eius habeant illa bona. Ad omnium horum confirmationem ego Petrus rex et iudex Arboree iuro ad sancta Dei evangelia in personam meam  quod pro bona fide sine fraude et absque ullo malo ingenio omnia que supra scripta sunt observabo et adimplebo. Preterea facietis iurare archiepiscopum et episcopos et abbates priores liberos et servos capitaneos Arborensis iudicatus quod ex parte sua conventionem hanc observabunt et sine fraude operam et studium adibebunt, quod iudex conventionem prescriptam adimpleat et illibatam observet. Quod si contra faceret amplius ei consilium vel auxilium non dabunt et sunt testes domino Marinianus Zorraki episcopus Terra Albensis, domino Comitanus episcopus Usellensis, domino Domesticus prior de Bonarcatum, domino abbas de Sancti Nicolai de Gurgu, quod ipse domino abbas habet nomen Bartholomeum, domino Marinianus duda armentarius Sancte Marie de Arestano maiore, de curatoribus Barason de Serra Mannu curator de Campitano, Orzocor de Lacon sapiens curator de parte Usellensis, Orzocor de Lacon filio quondam Barasonis rex et iudex Arborensis curator de Barbaria dagustis, Barusoni de Serra filio quondam domina Bera curator de Mandra Olisai, Comida de Lacompees curator de parte Vallencie.  Et ego Petrus Salianus kancellarius domini Petri rex et iudex Arborensis ki hanc cartula scripsi confirmavi et dedi per parabolam ipsius Petrus rex et iudex Arborensis et in presencia istius testibus, et pro mandato ipsius Petrus, rex et iudex Arboree plumbo bullata de bulla eius. Petrus rex et iudex Arboree bullare…feci.

Anno Domini millesimo centesimo octuagesimo nono, indictione sexta, quarto kalendas iunii.

NOTE

(1) Ved. sopr. cart. N° CXXV e N° CXXVIII.