Il Pontefice Clemente III conferma all’Ordine di Vallombrosa pe’ tre monasteri che possedeva in Sardegna le immunità e i privilegi già accordati dai Pontefici suoi predecessori.

(1188, 6 gennaio).

Dal Lami, Eccles. Florent. Monument., Tom. I, pag. 552-53.

Clemens episcopus servus servorum Dei.

Dilectis filiis Tertio, Vallumbrosano abbati, eiusque fratribus tam presentibus quam futuris regularem vitam  professis in perpetuum. Monet nos Apostolice sedis, cui licet immeriti presidemus, auctoritas, pro statu omnium ecclesiarum provida circumspectione satagere, et ne malignorum rapinis vel molestiis exponantur apostolicum ipsis patrocinium exhibere. Ea propter dilecti in Domino filii, vestris iustis postulationibus clementer annuimus, et prefatum Vallumbrosanum monasterium, in quo divino estis obsequio mancipati cum omnibus monasteriis sibi subiectis sub D. Petri et nostra protectione suscipimus, et presentis scripti privilegio communimus. Statuentes ut omnis immunitas et omnis libertas, que a predecessoribus nostris fel. mem. Victore, Gregorio, Septimo, Urbano, Paschale, Innocentio, et Adriano, atque Urbano Rom. Pontificibus iam dicto monasterio concessa est, futuris perpetuis temporibus firma vobis, vestrisque succcessoribus, ac Vallumbrosane congregatione illibataque permaneat.

Adiicimus etiam, ut quascumque possessiones, quecumque bona iam dictum monasterium, omnisque Vallumbrosana congregatio iuste, et canonice possident, aut in futurum concessione Pontificum, vel principum, oblatione fidelium, seu aliis iustis modis (prestante Domino) poterit adipisci, firma vobis, vestrisque successoribus, ac Vallumbrosane congregationi, et illibata permaneant, in quibus hec propriis duximus exprimenda vocabulis. Locum ipsum in quo prefatum monasterium situm est cum omnibus sui pertinentiis etc…

Monasterium S. Pauli Pisan.

Monasterium de Plaiano.

Et S. Venerei in Sardinea etc…

Datum Pisis per manus Moysis Lateranensis canonici, et S. R. E. Vice-Cancellarii octavo idus ianuar. indict. 6. Incarn. Dom. ann. 1188. Pont. vero Dom. Clementis PP. III. ann. I.