¹Item ordinamus qui si alcuna persona ‹a› c’at esser mandada nunza dae corona de Loghu et dae corona de quida de berruda o dae corona de portu o dae alcuna atera corona qui de cussas qui sunt naradas de supra pro alchuna causa et non at benne ad corona assu termen qui s’at contenne in sa nunza non deppiat perdere su certu a minimanza nen pro sa prima nunza nen pro sa secunda, ma satisfazat su ispendiu c’at avire factu cussa persona c’at avire mandadu sa nunza. ²Et siat condempnadu et paghit a sa camera nostra per ciaschaduna bolta qui li at esser mandada sa nunza dinaris .vi. per lira pro sa primarga et torrint·illu a mandari nunza. ³Et pro sa secunda nunza ‹qui› l’at esser mandado et non at benne, paghit dinaris .xx. per lira et satisfacat su spendiu simigiantimenti. ⁴Et anchu si li mandint nunza, et si ad sa terza bolta non benit de qui l’at esser mandadu nunza, perdat cussu chertu a minimanza secundu sa usanza antiga. ⁵Et simigiantimenti si intendat pro su terramangieso a c’at ma‹n›dari nunza sardu e gosi pro su sardu a c’at /13r/ mandari nunza su terramangeso. ⁶Et si cussa persona qui non ad benne assas dictas nunzas boleret fagher defensa sua pro qui non pozint benne assu tempus, siat intesidu a ragione. ⁷Et si mostrat legitimamenti occasione pro sa quali non poderit benne non li siat periudiciu, si non satisfaghere su ispendiu ad icussa persona qui l’at aviri mandadu sa nunza.

53.1.       qui si alcuna persona ‹a› c’at esser mandada] qui si alcuna persona c’at esser mandada
53.4.       ad sa terza bolta] ad sa terra bolta
53.5.       ma‹n›dari nunza sardu] madari nunza sardu
53.5.       mandari nunza su terramangeso] mandari nnnʒa su terramangeso
53.6.       boleret] bolerent