Repertorio informatizzato delle fonti documentarie e letterarie della Sardegna

Repertorio informatizzato delle fonti documentarie e letterarie della Sardegna

LII. De corona

1Constituimus et ordinamus qui cussa persona c’at esser mandada cum nunza dae corona de Loghu o de corona de quide de berruda per domo o per fundamentu o per alcuna atera possessione, siat postu ad iurare, per issu curadore c’at arreire corona, qui de sa nunza bene et lealimente at faghiri. 2Et poscha bayat et det sa nunza in presentia de tres bonus hominis dessa villa. 3Et icussu homini at que si mandat, si ’llu acatat in persona, et si sa dicta nunza si li dat in persona, deppiat bennere assa corona ad icussu termen qui si loy ad contenni. 4Et si per adventura non lu acatat in persona, det sa nunza in sa domo hui at torrari, si loy acatat alcuna persona habitanti, in presentia de tres bonos hominis dessa villa over de .ii. 5Et deppiant benni ad corona dae ssas .viii. dies a su bindichi per responderi ad icussa persona qui illi adi aviri mandadu sa nunza. 6Et isso homini qui adi portare sa nunza deppiat torrari ad corona ad fagher iscrivere in iteu modu ad aviri dada sa nunza. 7Et si non torrat, siat condempnadu de paghare soldos .xx. assa corte et no ’ndi siat in periudiciu de sas partis. 8Et torrit et mandit·illi nunza dae nou sa terza bolta per isso modu que est narradu de supra. 9Et si cussu homini ‹a› qui ad aviri mandadu sa nunza .iii. boltas non bennerit a corona a sus terminis qui suntu narrados de supra, deppiat·si mitire in possessione de cussa causa over possessione pro qui l’at avire mandadu nunza et reat et servat·si·lla unu annu cussu qui at aviri mandadu sa nunza. /12v/ 10Et si in cussu annu non beneret ad respondere et defendere·si de sa nunza qui l’at esser mandada, appat bintu cussa causa over possessioni cussu pro c’at avire mandadu sa nunza et siat sua propria. 11Et si cussu homini ad qu’eseret mandada sa nunza si beneret intro de cussu annu et bogiat·illa paghare cum totu su ispendiu c’at aviri factu in su dictu certu, siat tenudo su curadore de fagheri·llu torrare sa possessioni qui li fudi levada et intendere ad ragioni at ambas partis et dae ca ad esser deffinidu su chertu cussa possessioni deppiat dari ad icussa persona qui l’adi avire binchidu de raxioni. 12Et issas ispendias qui ant esser factas per issas partis, cussu c’at perdere deppiat satisfahiri assu c’at binchire secundu qui at parri da taxari assu armentargiu nostru de Loghu over officiali qui ’nde reeret rexioni cum su sagramentu de cussu qui ad aviri factu sas ispendias. 13Et de fructu qui ad avire apidu dae ssa die qui ad aviri apidu sa possessione infini ad icussa die qui l’at aviri torrada non siat tenudu de indi fagher restitucione alcuna.

52.2.       sa nunza] ʒa nunʒa
52.3.       contenni] contenui
52.5.       persona] p̄ma
52.9.       si cussu homini ‹a› qui ad aviri mandadu sa nunza] si cussu homini qui ad aviri mandadu sa nunza
52.9.       de cussa causa] decuso sa c̄a
52.11.    Et si cussu] Et dicussu
52.11.    dae ca] daeʒa
52.13.    restitucione] rexone