[c. 6v]

¹Nota dessos montes et saltos dessa Eclesia de Santu Martjnj dessa citade de Aristanjs et dessas jurjdixiones, ljmjdes et confrontaxiones jnsoro, segundu sj mostrahat jn sa donaxjone de Pedru de Lacano jujgue de Arborea, fata et concedjda assa dita Eclesia a xviij dessu mese de jenargiu jn s’annu de M.C.C.X.X.VIIJ.

²Su saltu nomjnadu gaj sj innizahat et sj partit dae muru jn muru et benit deretu ad Jscallas de Maso[ne], et girahat deretu a sSerra de Masone, et girahat pustj deretu assu nuraque de Quelargiu, et s’inde bahat deretu assu margujne de Monte Piciu, et essit deretu a guturu de Clapa et afliscahatsj a muru. Saltu.

³Et su saltu nomjnadu Flarissa sj partit dae Pranu de Donjquellu et sj jncurbahat a muru de Colletorgiu, et bahatsjnde deretu a Bruncu de Silva, et s’jnde bahat de pustj a margujne a Planu de Serra, et bahatsinde deretu a Cuguçadu et adjunguitsj a Pranu de Donnjquellu. Saltu.

⁴Et su saltu nomjnadu Clementj s’indj bahat a Fustis Albus et baharjgahat deretu fina assu nuraguj de Amogorella, et essit deretu a Minda de Frissa, et girat su margujnj de Planu Mahjore, et jncurbahatsj a Bau de Tufu, deretu ad Jscallas d’Ejdu, et afliscatsj a Fustis Albus. Saltu.

⁵Et su saltu nomjnadu Bidella tenet s’una cabitza jn erriu Tortella, segundu qui currit su erriu, jnfinj ad Aba Sassa, et bahatsinde a muru de Paris, et bahatsjnde jnfine assa Jscalla de Forqujllu, et girahat pustj margujnj, deretu a Paulj de Coada, et jncurbahatsj assa Horrohia, et girahat deretu a Canalj de Pira et afliscahatsj assu saltu et erriu D’ Ortella.

[c. 7r]

⁶Et sos saltos duos nomjnados Mifilinu et Jnpantoru pisgina de Caniga si partin ad Jscallas d’Aidu per totu su erriu, jnfinj a pisquina de Caniga saltu, et calat deretu ad erriu de Figu, et essit deretu assa vena de Pira Longa, et calahat deretu a Monte de Paga, et bahat deretu a Figu Bargia, et calahat deretu a sSerra Cana, et afliscahatsj ad Iscallas d’Eidu. Saltu.

⁷Et su saltu de Canalj sj partit deretu a Flissa et deretu a Monte d’Orunda, et batsinde deretu ad Iscallas de Patente, et girahat deretu ad erriu de Turriu, deretu a Bruncu de Argiolas, et essit deretu ad Iscala d’ Oru, et s’inde bahat a Bruncu de Nasargios, et jstendetsj a pisquina de Caniga et afliscatsj a Frisa. Saltu.

⁸Et su saltu clamadu Planu Magiu si partit a sSellas de Paris et calahat deretu fina assu nuraguj de Bidella, et girahat deretu a Bruncu de Argiola, et boltat deretu a Chelargiu, deretu ad Iscallas de Longu Fresu, e bahat deretu a Bruncu de Marguinj, et girahat deretu a Mandara d’Orgiu et afliscahatsj a sSeddas de Paris. Saltu.

⁹Et su saltu de Doigasanta si jnnizat et sj partit de bia jn bia per issa via de Logu qui bahat assa via de Caprilis et ad Iscala de Pascha, et girahat pustj via de Logu, per issa calj si bahat ad Aristanjs, assa via de Fordongianj jnfinj assa Horrohia, et torrat pustj via de Logu, per issa calj si bahat assa villa de Caprilis et assa villa de Truisguedu, jnfinj assu nuraguj de Pirastedda, et bahatsinde jnfine a Funtana Picinna, et jbi complit a parj cun sa via qui bahant a Caprilis et afliscatsj a sSellas de Pasca. Saltu.

¹⁰Et s’ultjmu saltu est su de Cardeas: si jnnizat dae ssu erriu et coddat dae Funtana Fraigada, via via deretu assu guturu de Cepara, arrohia arrohia a Montigu de Ligios de Funtana de Figu, et torrat via via dessa Paule dessu Trematzu, cussorgia cussorgia assu Forreguesu, finj a Monte Perdosu et jnfinj assa scala de Ciliguertas et jn mesu assu cunjadu de madonna contissa, errio errio deretu jnfinj a Funtana Fraigada.

***

4.1 xviij dessu mese de jenargiu]. Tale datazione risulta erronea: l’atto di donazione di Pietro II reca infatti la data del XXVIII gennaio.

4.2 nuraque]. La finale –ue è resa con un segno di abbreviazione.

4.3 Cuguçadu] Cugucadu.

4.9 cun sa via] cun sa ra via. Ra è soprascritto.