[c. 23r]

¹Juahan Franciscu Pontj de Aristanjs, jn su suu ultjmu testamentu, hat testadu et lassadu, pro amorj de Deus et pro s’anjma sua, qui subra sa vigna sua qui tenet jn terretorios de Aristanjs, posta et existente jn Pampusj, si paguet domnj anno et jn perpetuum soddos noe de oljvellu assa Eclesia de Sanctu Martjnj dessos Apendixios de Aristanjs. ²Et gasj eo Jacu Deltoro, notariu publicu de s’artj dessa notaria, mediantj su cumandamentu, autoridadj e poderj a mie dadu dessu sjgnore Archibiscobu de Aristanis, naro aher recidu su juramentu dae Mossen Salvadorj Orrù, jurande et narande de qui jssu tenet et possedit sa dita vigna; ³e comente e signore e possehjdore de issa, jndi fahet ocularj ostentaxione dessa carta de compara fata dessa dita vigna, cun obligaxione de pagare su subrascritu olivellu assa dita Eclesia. ⁴Et simul jndi ade sas confrontaxiones dessa dita vigna, sa cale tenet conca e fague assa vigna de Christolu Carta, s’uturu de Pampusj jn mesu, peis assa jngia de Mossen Juhannj Paderj y Dessj, costadu s’unu assa jngia de Maistu Larenzu Jsquirru, e diss’ateru costadu tenet assu Pampusj. ⁵Et gasj su ditu Mossen Salvadorj Orrù debet darj et pagarj su ditu oljvellu de soddos noe assa Eclesia de Sanctu Martjnj____soddos VIIII, dinares_____

Sul margine sinistro:
Nota de testamentu:
Salvadorj Orru pagahat assa presentj.

Comu pagat Maistu Sebastianu Mannias.

Ara paga gaspar Mossia Sabater.

El sobredicho olivell paga mastro Urbanu Murru.

Agora Don Jayme Paderi, 1718.